AKUMLO 2:4 - Sumi Naga CL (Re-edited) Bible (BSI)

⁴ Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

BAIBEL (BSI)

⁴ Aghumi toi pa piji pesu ni mijike; Pano ami toi axukighide lepheno achinekilo Zion limi nino jupe amloqi chekeqo pithi khavetsue.

AKUMLO 2:4 Iomraidhean Croise

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

JOB 19:11

Pa no I shou no Pa loghu küiqü eno I pesü Pa ghümi toi kihi ani.

JOB 6:4

Kughengu Akughushuu piji no I philo chhesü püani; I ghungu no tipau tüghü ye ani; Alhou no I kichi kümsa kepu pesü ajoshi kutope ani.

LESHELE 37:14

Kixikilami no kumlhomi ngo aqüaghami pithive niye eno achipiu shiche kemi ghiqhive niye azütakikihi süjo eno asüzü piqe cheni,

LESHELE 7:13

Akithipu ghünanu Pa ghenguno kutope ani, Pa miküiqü piji kutoluve cheni.

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

ISAIAH 63:6

I no I loghu lono timiqo qodaqhi; panoqo pelo I xukighide shomzü pe, eno I no panongu küxüji ayeghi lo pele qhike.”

JEREMIYA 10:20

I phiki ye xaleqhive tsüae, akighi kümtsü süthavae; I tianuliqo ye I launo wuvae, panongu ye kühavae; I phiki tshü tsüni kemi eno nhaqhiphi sütsüni kemi khumu kühavae.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 30:14

O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

AKUMLO 1:13

“Pa no kunguu no ami puwu; tipau piqi no I ghi lo ilovepe; Pa no I pukhu lo alichhe qhitsü; Pa no I tutsüghüve; atsala kupuju aghimeshi I pelo thüghüi ngovepe.

AKUMLO 2:5

Ampeu ye aghümi toivae; Pa no Israel munovae; tile kükaki kümtsü munovae; sükusho-aqo kütsaleve tsüae, eno Pa no Judah nga mloküsa ngo akumlo küghüsüve tsüae.

AKUMLO 3:3

mtsüqheino atsala kupuju I shou anguno anguno Pa u chhopukue.

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 13:13

Ikehu Ampeu Alhou no ishi piani: I loghu lono I no pasapagha mülhü puwu nani, I mlokighide lono tsütsüghu kije ghuqhi nani, eno aloghu lono mürasü kije puwu no qhoi kütsaleve nani.

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

EZEKEL 24:25

“Timi nu, tipa tsalani I no mtsüqheino panow sükusho-a, pano lokivi eno ajuküvü, pano nhethi lo ikighi, pano ngulho no puloniqhiyi chekeu, pano pu-angaqo ikhipe wuve nani,

EZEKEL 36:18

Ikehu panongu no ayeghi lo aji pelekeu ghenguno, asüatu julho vecheo panongu no tipau shipixive ke ghenguno I no I loghu panoqo shou lepukue.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 6:12

Timi khuu no putou ani keno püsa lono thive nani, khuu no aphivilo ani keno azütakikihi lono ikiqive nani, eno khuu ghülu no xüluni keno püqümiye lono thive nani. I no hitoi panoqo shou I loghu puku nani.

EZEKEL 7:14

“Panongu no afuko küigha eno thokha kümtsü kutove ke, ikemu khumu aghüshi lo wumoe, kughengu aloghu ye aqokitikhi kümtsü shou ikughivae.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

SAMUEL ATUGHIU 28:16

Samuel no pi, “Imaye Ampeu no o launo tsüghüve no o ghümi shive aye kushiye I vilo ighiju ani kea?