AKUMLO 2:19 - Sumi Naga CL (Re-edited) Bible (BSI)

¹⁹ “Putho hikuju kikili dolo, eno putho lo ithu ighamku lo! Ampeu zülo azü lephe ketoi o mlo lhephe lo! O tianuli khunoqo akhüava shi alaghila kümtsü lo thiqhi thiqhi ani keno, panongu küxü ghenguno Pa lau o u süqhelo.”

BAIBEL (BSI)

¹⁹ Puthotsu anguno anguno idaithu puzu AMPEU lau ighamukulo; Nomlo ghuju azu toi leqhilo eno notianuli kimiyeqhiyipe nike qhuinijulo; Alaghila acheku kumtsulo itimiqono akhuavashi thi ani!

AKUMLO 2:19 Iomraidhean Croise

JOB 3:24

Kughengu I kumlo no I khuna züqhushi auvae, eno I ghime ghügha no azükuqo toi igha ipeghi ani.

LESHELE 119:55

Putho lo I no O je kümsülu cheni, O Ampeu, eno O yezah pape cheni.

LESHELE 134:2

Akimthe-a lo nongu u peqhelo eno Ampeu sheqhelo!

LESHELE 141:2

I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

LESHELE 142:2

I no I kumchho Pa zülo süghi; I no Pa zülo I veküsa pike.

LESHELE 142:3

Kughou I nguagha lhove keno, Nono I laghi ithitsü cheni! Alaghi khile I no checheni keno panongu no I ghenguno alichhe küsüpe qhipüani.

LESHELE 28:2

Kughou I no kuphu penike O lau ighamkuni keno, I no shishe O kimthe-a küdau I u peqhe eno kimiye tsü penike qhüiniju kelo chilu tsülo.

LESHELE 42:3

Putho pucho kupuju I nhezü no I khuna shie, atsala kupuju panongu no I vilo pi, “O Lhou ye khile ani kea?”

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 42:8

Puchou no Ampeu no Paw iqemokeu kikimiye piye, putho lono Pa le no I lolo ae, I küxü Lhou lau akighini shie.

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

LESHELE 63:4

Ikehu I küxü kupuju I no O sheqheni; I no O je lono I u süqheni.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

ISAIAH 51:20

O nuli ye qeive no ikiqivae; ashe no alichhe lo mepe akeshi, panongu ye alaghila kümtsü lo ihozü ngo ani; panongu lolo Ampeu loghu eno Pa no sakiyi keu no chhitoivae.

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 9:20

O totimiqo, Ampeu tsa inilo, eno nongu kini xükhope Pa tsa chilu lo; nongaqo akumlo lakhi shikalo, akithilo le akisüghümi shikalo.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

EZEKEL 5:16

hi ye I no nongu kütsani ke ghenguno akithipu püqümiye piji, kütsakungo keu piji nongu lau kapuwu kelono, eno püqümiye alau alaushi nongu shou süghi eno nongu lau asho xapughi chekeu lakhave tsü kelono tishi nani.

MICAH 1:16

Nongu züküvüpu tianuliqo ghenguno nongu kütsüsa tsave no boghesho shivelo; alhuqu lakhi toi miyeboive lo, kughengu panongu ye nongu launo haphe sawuve nani.

NAHUM 3:10

Ikemu li ye haküghütsüve kemi shive no akughu lo sawuve; li nga kughunuqo ye alapa kümtsü lo aleqhi shi heqhi khave tsüe; liw gihuküzümi ghenguno asaqhi, eno akhotomiqo ye ayikichhe no tshü sawuve.

MATTHEW 14:25

Tsükutho lau ayi küthü kihe qhalo Jisü no azü shou no alachesü panoqo lau ighi.

Mark 1:35

Thanau tsükutho lau Jisü no itheno ithuve no züghüi aphi lono yenguyi ke-a lo wuve, eno tilauno inikhue.

Mark 13:35

Tighenguno tsükhüi shilo, kughengu aki mpeu ye avelau no keo, zübumtau no keo, tsükutho lau awudu igha kelono keo, inaqhe no keo, kughou no ighi nani keno nongu ye mthae,

Luke 6:12

Ghulo lakhi Jisü no atoghi lo inikhu nike iqho, eno puthotsü pa ye Alhou lau inikhu ae.

1 Tim. 2:8

Ikehu, ni ye kiptimi pelo axuide eno kütsala mono aqha kümtsü lo pano u kimthe peqhepe akighini shipeni shi;

XAKUTHAMI 7:19

Zübumta lo aghukhe kikili lono Gideon no pa lojimi 100 sasü aghazü phelo ighi. Panongu no afuko igha eno panongu no peche keu ayeghi li hephove.

SAMUEL ATUGHIU 1:15

Ikemu Hannah no khochile, “Moe, I mpeu, ni ye aghungu lono ime akemi topumi lakhi ke. Ni ye khilemu atsaizü momu aji kümka yeju mphie, ikemu ni ye Ampeu zülo I ngulho süghi ani.

SAMUEL ATUGHIU 7:6

Ikehu panongu no Mizpah lo hekütsü no azü shophe eno tipau pesü Ampeu zülo leqhi no tipani kümvü eno tileno pi, “Ningu no Ampeu zülo axine shivae.” Eno Samuel no Mizpah lono Israelmi shou xaküthau shie.