AKUMLO 2:10 - Sumi Naga CL (Re-edited) Bible (BSI)

¹⁰ Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

BAIBEL (BSI)

¹⁰ Jerusalem lo kitemiye panoqo kutsulo ayeghi mukhu xapu eno yeqhiye phi pepu puzu inaqhoi ayeghilo iqae. Ilimiqono pano kutsu pishiqhope anike.

AKUMLO 2:10 Iomraidhean Croise

SAMUEL AKINIU 13:19

Tamar no li kütsü lo ayevu epuku no chijeboike phi kushuo pepu akeu süxüve. Eno li no au pesü akütsü nhave no igha qasü wuve.

ISAIAH 15:3

alaghi lono yeqhiyephi pepuvae; aki kütsüqa eno kobidi-a lo kümtsü no anhezü piji qa ani.

ISAIAH 3:24

Tsüngqüi keu züqhulo kütsü-küma anani; apokha züqhulo akighi khapu nani; asa pili punike züqhulo boghesho shi nani; aphimini kivi züqhulo yeqhiyephi pepu nani; eno jukivi züqhulo aghüzaku xapu nani.

ISAIAH 3:26

Aphughi khagho no mloqa iju nani; eno aphughi no aphikümsa ayeghi lo iqa nani.

ISAIAH 36:22

Tithiu kükaki jukükütsüu Hilkiah nu Eliakim, akiyeu Shebna, eno yekikithiu Asaph nu Joah no aphimini süxü amloksa shi Hezekiah lau ighi no Rabshakeh tsa pesü pa vilo pive.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

AKUMLO 1:4

Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

AKUMLO 3:28

Kughou no amakho kimshi ighini keno iqünhei puqhelo;

AKUMLO 4:16

Ampeu no panoqo halevae; Pa ye panongu kihimoae; agigihu pesü achinemi piyemo, kikimiye layemi piye move.

AKUMLO 4:5

Khunono aghulhu kivi chuche keno alaghila lono pühavae; khunono hughaike phi pipe püzü saputhu keno ayevu lo ihi ani.

AKUMLO 5:12

Sakiphemiqo ye au tsüghape kunguu no tshüqhi; layemi lau agigihu piyemoe.

AKUMLO 5:14

Layemiqo ye mishighüna khagho lono chevae, lhothemiqo no pano lekungo phemovae.

EZEKEL 27:30

eno asütsa vekipighi ighamku eno kukhukimji shi qae. Panongu no pano kütsü lo ayevu ayeghimkhu lepuku no ihie;

EZEKEL 27:31

o ghenguno panoqo no asa miyeve no yeqhiyephi pepuve, eno kukhukimji shi o kümsü qae.

EZEKEL 7:18

Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

JOYIL 1:8

Ililhothe lakhi no liw külapuu ghenguno yeqhiyephi pusü mloqa keshi mlolo.

AMUS 5:13

Tighenguno ado titoi kelo alokütsümi ye inaqhoive cheni, kughengu hi ye alhoksa doke.

AMUS 8:13

“Tipa tsalani ilimi jukivi eno apumiqo no tüghüthi kelauno iluqive nani.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

JONAH 3:6

Atsa huno Nineveh kükau tove, eno pa no aküka lakhü lono ithuve, pa kükaphi lhaqhive, yeqhiyephi pesü pa küzüluve, eno ayevu lo iqave.

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.