AKUMLO 1:7 - Sumi Naga CL (Re-edited) Bible (BSI)

⁷ Aghime eno kupokiche ghuloki lono Jerusalem no khaghi liw shiche keu akughupu thime jeli kümtsü kümsüchilelu anie. Kughou liw timi no aghümi u lo ilove no li kukuphumi kühave keno, li ghümiqo no alokivi shi li cheqhi; panongu no li vekiqhi thaighae.

BAIBEL (BSI)

⁷ Itehi Jerusalem ye ixapinyi yenguyelei ani, khaghi qhivutsunyi achekeu kumsu ani. Aghumi ulo liwu timiqono ikiqi ilove keulo khunomu li kuphunikemi kuhaveke. Li leluve keqono li no ikiqive keu junu qhike.

AKUMLO 1:7 Iomraidhean Croise

JOB 29:2

“O khaghi Alhou no I hejukuto cheke ghuloki shiaghi penishie,

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 77:3

Kughou I no Alhou kümsülu keno I no mloqae; I no kümsüputho kelo, I ghungu no aghüthi süve;

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

ISAIAH 64:10

O kimthe phughiqo ye timi asayeqha toivae; Zion ye timi asayeqha toivae, Jerusalem ye küghüküghaleivae.

ISAIAH 64:11

Niw akimthe eno jukighilepu chineki, khilehi ni puasü no O sheqhe chekeno ami no pitilevae, eno nino kimiye chekeu-a kümtsü ixapinyi ani.

JEREMIYA 37:7

“Israel Lhou Ampeu no ishi piani: Judah kükau, khuu no I vehu ighiju penike I lau o puwu keno pa vilo pilo, ‘Julo, Pharaoh ghüshimi o kuphuni ke ighikeu ye pano yeghi Egypt lo idewo niye cheae.

JEREMIYA 48:27

No ye Israel cheqhi cheke kumo? Israel ye küpkami kesheno nono pa ghili pi aye, o kütsü küngü thaigha che kea?

AKUMLO 4:17

Adou lono akukuphu huqhe anipi ni nhethi ghi ithumlave; nino huqhe akelaye ni xakümlapu shiye shou jupuku aghive.

EZEKEL 25:3

Ammonmi vilo pilo, Ampeu Alhou tsa inilo: Ampeu Alhou no ishi piani, Kughou I chineki shipixive, Israel yeghi pesü küghüküghaleive tsü, eno Judah kibolomi haphe sawuve keno nongu no, ‘Aha!’ ipike ghenguno,

EZEKEL 25:6

Kughengu Ampeu no ishi piani: Nongu no au kukhu eno apukhu peqhepe ilhe no nongu lolo küthakügha kümtsü süno Israel yeghi shou alokivi shie,

HOSIYA 2:7

Li no alojipumi hawu nani ikemu halumo nani, eno li no panoqo phuwu nani ikemu phumlave nani. Tileno li no ishi pi nani, ‘Ni ye I kimi atüghüu lau idewoni, kughengu I ghenguno itehi ye püzüu pavie.’

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

Luke 15:17

“Ikemu kughou pa no atsüveshe kümsülu keno, pa no pi, ‘I puw qekuchumi khije no chukepu kupukuno shi ani püzü ni ye hilau akhüava no thiu chea kelae!

Luke 16:25

Ikemu Abraham no pi, ‘Anu, o küxü tivilo no ye thime kivi pesü ow shilue, titoi Lazarus ye alhoksa likhi ithulu kepi kümsü luniwa; ikemu itehi pa ye hilau alokughunopu ithulu ani, eno nou no aghime lo ani.