AKUMLO 1:5 - Sumi Naga CL (Re-edited) Bible (BSI)

⁵ Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

BAIBEL (BSI)

⁵ Li ghumino tokulu shiluvae; panoqo kuka pesu li tsuquluvae. Li xine kutomo shiveke ghenguno AMPEU no li pelo aghime shipeke; Li tianuliye kughalukhave eno sawuve.

AKUMLO 1:5 Iomraidhean Croise

KUKAMI AKINIU 21:15

kughengu pano puasüqo no Egypt lono ipeghi ke tsala lono ishi kutolo I zülo kiu no axine keno ti shino tino I mlo shikighide tsüe.”

LESHELE 80:6

Nono ni kisüghümi pelo ni ghenguno kohakishi peke, eno ni ghümi no pano dolono ningu junuqhi ke.

LESHELE 89:42

Nono pa ghümi u ajeu süqhe tsüe; Nono pa ghümi kümtsü pelo alovi peke.

ISAIAH 22:5

Kughengu kungunhetsü khila lo mqhumza qhasü ighi kelo avehu izüvuive kepu tsala; aliwo tulave tsüno naghuto lau ighamku kepu tsala aqokitikhi Lhou Ampeu no kuto püanie.

ISAIAH 63:18

O kimthe timiqo ye ado hami ghenguno qhasüpe ngolue; ikemu itehi ye ni ghümi no o kimthe ki nedaqodave tsüae.

JEREMIYA 10:20

I phiki ye xaleqhive tsüae, akighi kümtsü süthavae; I tianuliqo ye I launo wuvae, panongu ye kühavae; I phiki tshü tsüni kemi eno nhaqhiphi sütsüni kemi khumu kühavae.

JEREMIYA 12:7

“Ni ye I kibo phevae, Ni ye I mheghi qhivae; I ngulho no qhuivü chekeu pesü li ghümi u lo süve tsüae.

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 39:9

Tishino kepten Nebuzaradan no mishighüna lo timi achili akeqo, pa lau po ighive keqo, kümtsü kughu sasü Babylon lo wuve.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

AKUMLO 3:46

“Ni ghümi kümtsü no pano kichi xükhope ni lachile ani;

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”