AKUMLO 1:20 - Sumi Naga CL (Re-edited) Bible (BSI)

²⁰ “O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

BAIBEL (BSI)

²⁰ “O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 1:20 Iomraidhean Croise

JOB 30:27

I lolo tubonoli no mqhomzai no khilemu iqüghai mlae; kushuküqha tsala no I sasü kusho niye ighivae.

JOB 33:27

Pa no timiqo zülo alokivishi alephe pi nani: ‘I no axine shive no achipiu pesü tuchighive kemu tipau lame I tsüchile moke.

LESHELE 22:14

Azü toi ni ye ayeghi lo leqhivae eno I ghi kümtsü süküqüpe ani; I mlo ye aghügha toivae; I mla dolono mlaghubeivae;

LESHELE 38:8

Ni ye miqemlei eno chishedape ani; I mlo kütakihi keu ghenguno I no mloqae.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

ISAIAH 16:11

Tighenguno I mlo, I ngulho no küghaküsü lebo toi Moab ngo Kir-hareseth jupe igha anie.

ISAIAH 38:14

Akhalu momu azüghau toi I sütsa ye tsütsüshi ighauvae; amiqhi toi akulhoshi igha auvae. I nhethi no kunguu jukeno khoivae. O Ampeu, I qaqhipe akelo I xaphetsü kepushi tha-lo tsülo!

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 14:20

O Ampeu, nino niw kixikila eno ni puasüqo xine piphe ani, kughengu ningu ye O shou axine shivae.

JEREMIYA 2:35

nono pi, ‘Ni ye akipimi kühae, mtsüqheino Pa mlokighide ye I launo tsüghü wuvae.’ Julo nono, ‘Ni ye axine shipüamoe’ ipike ghenguno I no o pesü küghaküthapu lo saghini.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 48:36

Ikehu I mlo ye Moab ngo Kir-hareseth ghenguno fulili igha aketoi mloqa ani. Kughengu pano kinikülü ye pühavae.

AKUMLO 1:11

Liw timiqo no asho phuche kelo kümtsü no aghime ghügha shie; panongu no pano kumto püxü niye küakini pesü achuqupu kilichu. “Julo, O Ampeu, eno kümsüju tsülo, kughengu ni ye küthaküghapu shi anie.”

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

AKUMLO 1:9

Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

AKUMLO 5:16

Kükakütsüqho ye ni kütsü lono ikiqivae; nino axine shive kehu ningu ye ahasapuae!

EZEKEL 7:15

Azütakikihi ye ashou ani; püsa ngo püqümiye no alou ani. Khuu no aluza lo ani keno azütakikihi lono thive nani, eno khuu no mishighüna lo ani keno püqümiye ngo püsa no munove nani.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

ZAKINIU 32:25

Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.