AKUMLO 1:16 - Sumi Naga CL (Re-edited) Bible (BSI)

¹⁶ “Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

BAIBEL (BSI)

¹⁶ ‘Hi ghenguno ino qa ani eno inhethi lono anhezu qole ani. Khunomu ilokughuno tsu mlake, khunomu ishikumto mlae. Aghumino itheqhiluvae, iwu timiqoye kughu kughaleivae.’

AKUMLO 1:16 Iomraidhean Croise

LESHELE 106:42

Pano ghümi no pano qodaqhi, eno panongu pesü pano küka qholo qhive.

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 69:20

Piküptha no I mlo hepho tsü kehu ni ye amlo ghuju shi ani. Küpüqhiyi tsü peniye I no laju, ikemu khumu aghi moe, alokughuno tsü peniye kemu khumu ithumlae.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

ISAIAH 54:11

O aghimeshi akeu, no ye pasapagha no fukuchoqhi ke, ikemu o lopiqi tsümoe, Julo, I no o ghenguno aboqha tuqo pesü ayi kümka shou qhitsüni, eno sapphire tuqo pesü o boqha ghotsü nanie.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 15:5

“O Jerusalem, khuu no o kimiyeni, momu o ghenguno mloni kea? Khuu no iqa no o ghili inijuni kea?

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 9:21

Ni lashe lo akithi iloghivae; niw kükakiqo lo iloghivae, tino alaghila lo ni tianuliqo eno kobidi-a lo lhothemiqo shou kütsale ighivae.

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

AKUMLO 1:9

Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

AKUMLO 2:18

Panoqo no Ampeu lau ighae. O Zion limiw aliwo kuptu, putho pucho tsüqhu-tsüghu akeshi anhezü no qowu pelo! No ampi kulhoqhi kevilo, o nhethi küghüqü kevilo!

HOSIYA 9:12

Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!