AKUMLO 1:1 - Sumi Naga CL (Re-edited) Bible (BSI)

¹ Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

BAIBEL (BSI)

¹ Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

AKUMLO 1:1 Iomraidhean Croise

KUKAMI ATUGHIU 4:21

Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

KUKAMI AKINIU 23:33

Pharaoh Neco no pa küghape Hamath yeghi lo Riblah lo qhive, tishikeu lono pa ye Jerusalem lo ayepu mlave, eno ampe lo ghükayi ahu 3,400 eno ameshoyi ahu 34 ishi sükusho zame tsüuve.

KUKAMI AKINIU 23:35

Jehoiakim no ghükayi ngo ameshoyi pesü Pharaoh tsü, ikemu Pharaoh zakütsü kiqi lono ti tsünike ghenguno pa no aghakhumi shou ayeghi momu küakini akeu kiqi lono zame qhae.

YEKIKITHI AKINIU 9:26

Pa no Euphrates lono Philistiami yeghi eno Egypt lughi kutolo kükami kümtsü shou ayepe che.

EZRA 4:20

Kükami kumtomi no Jerusalem shou ayepe ighiva, eno Aghoki Kukuu phughi lo ghi ayepe no zame ngo asüqha pesü pano tsü ighivae.

NEHEMIA 5:4

Kütami ishi pi kemi ghi ae, “Ningu ye ni ki-alu ngo atsailu zame akükau tsünike pisa na püani.

NEHEMIA 9:37

Eno ni xine ghenguno ayeghi lono kupukuno shi ipeghi keqo ye Nono ni shou qhi püatsü kemi kükami lau wuve anie. Panongu no ni phimpi eno niw lhoxü shou pano pulou lono ka auvae eno ningu ye shishe aghime kutho lo anie.

LESHELE 122:4

ashiayeqo no tile iqho cheni, ti ye Ampeu shiayeqo ke, ti ye Israelmi ghenguno xaküthaza shike toi, Ampeu je lono shikimthi keu tsü peniye ke.

ISAIAH 14:12

“O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

ISAIAH 22:2

alovi mqhumza akhani kea? Now timi thive keqo ye aghüshiqa momu azütakikihi lono kumoe.

ISAIAH 3:26

Aphughi khagho no mloqa iju nani; eno aphughi no aphikümsa ayeghi lo iqa nani.

ISAIAH 49:21

Tileno nongu mlo lono pinani: ‘Khuu no ni ghenguno atianuli hijehi lhotsü kea? Ni ye amlo kighishi lo ache eno anuhami shiche, ni ye haphe sawuve kemi; ikemu khuu no hipaqo süghi kea? Julo, ni ye I likhi ake khilano hipaqo ighi kea?’”

ISAIAH 50:5

Ampeu Alhou no I kini xükhove tsüae, eno ni ye hebide püamoe; Pa launo tsüghüve püamoe.

ISAIAH 52:2

Ayeghimkhu kuthove no ithughilo; tishino iqavelo, O Jerusalem, o kuo lo tsüghape akeu yikichhe lekho velo, o akughushi akeu Zion ngaqo.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

JEREMIYA 31:7

Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

JEREMIYA 40:9

Shaphan nu, Ahikam nu Gedaliah no panongu lau tushoqhi pi, “Chaldeami huthuni keu msa kevilo. Aghakhu lo xüno Babylon kükau huthulo, tishiaye nongu ghenguno akivipu shinani.

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

JEREMIYA 44:2

“Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 50:23

Ayeghi yihesü ye kishita ikiqive no kuboleve kelae! Babylon ye kishi shiyeqo zülo jukümsapu shive akelae!

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

AKUMLO 1:19

“I no I kimiye chekemi kue, ikemu panoqo no I pishiqhive; I chinemi eno layemiqo ye panoqo kumto püxü kitheni ye achuqupu phuche kelono mishighüna lono pühavae.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

AKUMLO 5:16

Kükakütsüqho ye ni kütsü lono ikiqivae; nino axine shive kehu ningu ye ahasapuae!

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

EZEKEL 26:2

“Timi nu, Tyre no Jerusalem vilo, ‘Aha, timiqow khagho ye kubovae; tipau ye I lau khaqhi püani. Itehi li ye kütsape ani keke niu no chhitoilu niae,’ ipike ghenguno,

EZEKEL 5:5

“Ampeu Alhou no ishi piani: Hi no Jerusalem ke. I no shiyeqo mta lo aghakhu kümtsü no li homxape qhike.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’