AKIKIHI 8:21 - Sumi Naga CL (Re-edited) Bible (BSI)

²¹ Levimi no axine lono pano ampi shikimthe no aphimini ishive, eno Aaron no akimchi kümllagho shi panoqo pesü Ampeu lau tsü püzü shikimthe tsüniye panongu ghenguno tha-love tsü.

BAIBEL (BSI)

²¹ Levi laghaqo ye pano likhi pano shikimtheve eno panongu phimini ishive eno Aron no kumsagho lakhi toi panongu akimthepulo AMPEU tsuve. Pano shikimtheve keu chine ghi panongu ghenguno shitsu.

AKIKIHI 8:21 Iomraidhean Croise

IPEKULU 19:10

Ampeu no Moses vilo pi, “Timiqo lau wulo eno ishi ngo thoghiu panoqo kishekimthe no pano phimini ishi kimtheve pelo,

ACHINE 14:11

Achineu no kuposhukulu phiki kulaghi lo Ampeu zülo aküsüu ngo pa kümllagho saghini.

AKIKIHI 19:12

Pa ye atsala aküthüni eno atsala akütsüniuni, pa ampi qhukimtheni eno tithiu no mithelu nani. Ikemu pa no atsala aküthüni eno akütsüniuni pa ampi qhukimthe mo aye pa ye mithelu monani.

AKIKIHI 19:19

Atsala aküthüni eno akütsüniuni mithe akeu timi huno azü pesü mithekumou shou küzüte pukulo. Tishino akütsüniuni ye pa ye mithe luve nani, pa no aphimini ishive eno azü kuchhuve kethiu avelau ye mithe luve nani.

AKIKIHI 3:12

“Julo, I no Israelmi gholo anu anoghiuqo züqhulo Levimi luvae. Panongu ye Iw shiniae,

AKIKIHI 8:15

Kughou nono Levimi shikimtheve no akimchi kümllagho shi tsüve akeno, tithiuno panongu ye Aphiki lo mlaithani ke iloni.

AKIKIHI 8:20

Levimi ghenguno Ampeu no Moses azah tsüke toi pa ngo Aaron eno Israelmi qoaho kümtsü no hitoi Levimi lau mlake.

AKIKIHI 8:22

Tipa thiuno Levimi no Aphiki lo Aaron ngo pa nuliqo gholo pano kümlapu shinike ilove; Ampeu no Levimi ghenguno Moses lau azah tsüpüake toi panongu no titoi shive.

AKIKIHI 8:7

Panongu shikimthe nike nono hitoi shini: shikimthekütsü zü pesü panongu küzütelo, eno panongu no aqe pesü pano phimpi kuchopu miyeveni, tithiu no aphimini ishive no azü kuchhuveni.