AKIKIHI 4:15 - Sumi Naga CL (Re-edited) Bible (BSI)

¹⁵ Kughou Aaron ngo pa nuliqo no Akimthe-a eno tipau lo tinhemgha kümtsü küzü khaveni keno, tithiu no Kohath laghami no tipaqo xapu nike ighini, ikemu panongu ye akimthepu thimeqo bumoni, tikumo aye thive nosake. Kohath laghami no Aphiki lo nhemgha xapuni keu ye hipaqo ke.

BAIBEL (BSI)

¹⁵ Kughono aghazu xakepu ghuloki shinikeno Aron ngo panuliqo no kuzukhave kethiu likhino Kohat limino akimthe thime nhemgha kuzupe puakeqo xapupe. Kohat limiye thivenosake akimthe nhemgha thime bupe kevilo. Kugho kughomu Aphiki kiqheve kelo Kohat limino amakho hipaqo pupe.

AKIKIHI 4:15 Iomraidhean Croise

SAMUEL AKINIU 15:24

Ikelo Abiathar no ighive, eno julo, Zadok ghi Levimi kümtsü sasü Alhouw puloshoqhi bohu xapu ighive. Timi kümtsü no aphughi heche wuve moke kutolo panongu no Alhouw puloshoqhi bohu ghope qhive.

SAMUEL AKINIU 6:13

Kughou Ampeuw puloshoqhi bohu peche keqo no küpka tsügho chewuve keno, pa no amshitsü lakhi eno atha pubeyi keu lhoxü lakhi ghiqhipe aghashi.

KUKAMI ATUGHIU 8:3

Israel sakiphemi kümtsü ighive, eno achinemi no Puloshoqhi bohu peluve.

YEKIKITHI ATUGHIU 15:15

Eno Ampeu tsa kiqi lono Moses no azah tsüke toi Levimi no awophe peche keshi abighi lono tipau kuhope.

YEKIKITHI ATUGHIU 15:2

Tishino Levimi kumo aye khunomu Puloshoqhi Bohu pe pemo nike pa no pive, kughengu panongu ye Alhouw Puloshoqhi Bohu jukuto eno pülhapuju Ampeu huthu penike Pa no kishephe ke.

YEKIKITHI ATUGHIU 23:26

Tighenguno itehi Levimi ye Ampeu Phiki momu akümlla lo akimthepu thimeqo pesü iqhoiqi moae.”

IPEKULU 19:12

No ye timiqo ghenguno naghuto vehomxa lakükha süve no pilo, ‘Naghuto lo ikumo momu tipau shekichi dimoni ke kutokupui lo. Khukhumu naghuto dilu keu ye pithive nani.

IPEKULU 19:21

Ampeu no Moses vilo pi, “Iqi no timiqo ghutu lo, tikumo aye panongu no Ampeu juniye shoxüsü ighi no kutomo pühave nosake.

IPEKULU 27:7

Asü pesü abochoqo lo xisülo, tishianguno kughou akümlla-khache xapu wuni keno asü hula-hila xisü pesü wulu nani.

ACHINE 16:13

eno tsüngqüi keu ta pesü Ampeu zülo ami lo süni, tipau michhi no Puloshoqhi bohu shou kimiyekini lakhü küzü luve nani, tishianguno pa ye thimo nani.

AKIKIHI 1:50

Ikemu panoqo pesü Puloshoqhi phiki eno tile tinhemgha kümtsü shou ampi shipelo. Panongu no tipau peni eno tile akeqo jukutoni, pano ghazü ye tipau homxape shini.

AKIKIHI 1:51

Kughou aghazü xakiqheni keno, panongu no Aphiki xaqhini, eno a-a kithelo qhini kelo panoqo no tshüni. Panoqo nguno alau kütami no tipau phivilo ighi aye ye pithive nani.

AKIKIHI 10:21

Tishino Kohath limi no akimthe thimeqo xapusü wuve, panongu no aghazü-a kithe tomphi lono Aphiki ye shiqheve aghi.

AKIKIHI 18:3

Panongu no o kibolomi ngo aphiki shou aghukhemi shipelo ikemu panongu ye akimthe-a lo abohu ngo akiptia phivilo ighipe kevilo, kughengu tishi aye, panongu eno nongu ghi thive nani.

AKIKIHI 3:38

Moses eno Aaron ngo pa nuliqo no kipelau Puloshoqhi bohu kiqhi-a eno Kuposhukulu Phiki zülo aghazü shino Akimthe-a khekuto, eno Israelmi süshoni keu shi. Khalaumi khuu khumu aphivilo ighi keu ye pithiveni keu shie.

AKIKIHI 4:14

Eno akiptia lo peche keu nhemghaqo, amikhu, ayiküba, amikihepu, chithakhu, kümtsü tipau shou qhini; tishino ashiyiko küküzü lo süno kuhope kepu sü chuxusüni.

AKIKIHI 4:19

mthamini panongu no shishe akimthepu thime phivilo ighi kelo thive mono xülu penike hitoi pekithilo: Aaron ngo pa nuliqo no ilo panongu lakhikhi kümlapu eno akho kuto tsüni,

AKIKIHI 4:20

ikemu Kohathmi ye akimthepu thimeqo kitilamu junike ilomoni, tikumo aye panongu ye thive nani.”

AKIKIHI 7:9

Ikemu Kohath laghami ye tsümove, kughengu panongu ye abighi lono akimthepu thimeqo xapu penike pichebe püake.

ZAKINIU 31:9

Tithiu Moses no Ayezah hipau yepe Ampeuw Puloshoqhi bohu kipemi Levimi ngo Israel sakiphemi tsüve.

JOSHUA 4:10

Ampeu no Joshua vecheo timiqo vilo shilopi keqo kuchopu shikha mphilo achinemi ye Jordan mta lo puthughope ngo eno ti ye Moses no Joshua vilo pikeu kiqi lono ke. Timiqo no akimighi shi katha ikuve.

SAMUEL ATUGHIU 6:19

Pa no Beth-shemesh lo timi khami pithive, kughengu panongu no Ampeuw Puloshoqhi Bohu shou jupukuve ke. Pa no timi pano lhotsüni pithive, eno timiqo no mloqa kughengu Ampeu no aküka pepheno timiqo pithive ke.