AKIKIHI 28:2 - Sumi Naga CL (Re-edited) Bible (BSI)

² “Israelmi azah tsüno pilo, ‘Nongu ye ado kihikütha do kiqi lono I kümllagho, I chuqupu, I chuqupu kümllagho, I lopu xokütsüngü, süghilo.’

BAIBEL (BSI)

² Israilmi pelo ado aghuloki kichetsu puakeulo achuqupu kumllagho avehupu shi akeu pesu Alhou lau tsulo pike tiye pa lokutu chekeuke.

AKIKIHI 28:2 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

EZRA 3:2

Tile Jozadak nu Jeshua no pa lojimi achinemi, eno Shealtiel nu Zerubbabel no pa laghaqo sasü puthugho, eno panongu no Israel Lhou kümlla khache shiqhe, tipa shou no akipti kümllagho mllani ye shi, ti ye Alhou timi, Moses Yezah lo yepüakeu kiqi lono.

EZRA 3:3

Panongu no tipa-a lo akiptia ghope qhive, kughengu aghakhu lo timi ashiayeqo ghenguno panongu ye msa ake, eno tipa-a lono panongu no akipti kümllagho Ampeu lau tsü, inaqhe eno avela kipti kümllagho tsüe.

NEHEMIA 10:34

Ningu achinemi ngo Levimi eno timi kümtsü no asü kipti kümllagho ghenguno asaqhi ani eno ti ye ampe ampe lo, ado kihitha tsükeu lono, eno ningu alagha kiqi lono, ni Lhou kilo pesü iloghi no akiptia lono piti mlla nike piqhi ani, hi ye Ayezah lo akeu kiqi lono ke.

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

IPEKULU 29:18

eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.

EZEKEL 16:19

Asho khikhi I no o tsü keno tipau ghi I no ashomkhu, thazü eno akhingozü akivi pesü o lojike nono alokepu xokütsüngü lakhi shi tipaqo zülo ghope qhi; tihutoi shi kepi Ampeu Alhou no asheshu.

EZEKEL 20:41

Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 21:6

Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ACHINE 21:8

Achinemi ye akimthe kepi kihilo, kughengu pa no achuqupu kümllagho pesü nongu Lhou tsücheni; nongu shikimthe chekeu Mpeu ye akimthe kehu achinemi ye akimthe kepi kihilo.

ACHINE 3:11

Eno Ampeu lau achuqupu kümllagho shi achineu no ti kümtsü ikhipe akiptia lono pitiveni.

MALAKI 1:12

Ikemu kughou nongu no Ampeu kümlla khache ye shikitiqevae ipini keno tileno nongu no I je shikitiqe ani, eno tipau lo xathi, ti ye achuqupu, jukünatha peniye ke.

MALAKI 1:7

Kitiqeve keu chuqupu I kümlla khache lono mlla keu vecheo ke. Ikemu nongu no pi, ‘Ningu ye kishi O jukünathave kea?’ Ti pikeu lono Ampeu khache shikitiqeve peniye ke.

AKIKIHI 15:24

aqoaho no mthano nongu no shipimive aye, aqoaho kümtsü no lhoxü loji lono amshitsü lakhi pesü Ampeu lopushi tsüngqüi keu kipti kümllagho tsüni, ti ye ayezah kiqi lono athi kümllagho eno atsaizü kümllagho, eno tipau gholono axine kümllagho shi anetsü lakhi tsüni.

AKIKIHI 15:3

eno ashoqhi shikupu keu momu pulokini kümllagho momu tiqhetini ghulhu ghenguno now lhoxü loji lono achuqupu kümllagho, akipti kümllagho, aghakishi kümllagho pesü Ampeu lopushi tsüngqüi tsüni keno,

AKIKIHI 15:7

Atsaizü kümllagho ghenguno thazü ahu lakhi-tüxa pesü Ampeu lopushi tsüngqüi mlla lo.

AKIKIHI 28:1

Ampeu no Moses vilo pi,

AKIKIHI 29:39

“Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

AKIKIHI 9:7

pi, “Ningu no akithi kumo buluke lono mithe move aghi namu kushiye azah shipüakeu tsala lo ni pelo kütami gholono Ampeu lau akümllagho tsüpemo kea?”

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.