AKIKIHI 24:9 - Sumi Naga CL (Re-edited) Bible (BSI)

⁹ Panongu no abongshuu toi ipu itsaqi ngo nani khuu no küdaputhu nani kea? Khunono o kümgha tsüni keno akümghapue, eno khunono o müsüinini keno angusüpue.”

BAIBEL (BSI)

⁹ Shiyeh hiye abongushu kumgha lakhi toike; Tipauno zu akelo khunomu tipau kudaputhu msake. Khunono Israil shou kumghatsuni keno kukumgha shinani.”

AKIKIHI 24:9 Iomraidhean Croise

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 49:9

Judah ye abongshuu ti lhothe; I nu, nono lhoxü tsüqhive no iqhoghive ke. Pa no itsaqi ihozü no abongshuu toi ipuwue; khuu no ighü mono pa küda puthuni kea?

KUKAMI ATUGHIU 10:20

Abongshuu chighikini no anepa tsügho hula hila qhie. Hitoi keu khuno kükaqha lomu mla püamoe.

YEKIKITHI AKINIU 9:18

Kükalakhü ye anepa tsügho ae, eno ameshoyi pukhu kinepu shikime pukue, alakhü putoputo lo au kibepu mla, eno ti küma phivilo abongshuu no puthughope akeu julho ghope qhie.

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

JOB 41:10

Khumu ayiküsa shi pa xukutho puthu luni keu kühae. Imaye khuu no pa ye khuue pi I zülo puthugho luni kea?

LESHELE 122:6

Jerusalem lokughunopu ghenguno inikhulo! “Khunono O kimiye cheni keno sükusho lo apelo!

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

IPEKULU 23:22

“Ikemu nongu no kutokupui pa tsa ini aye eno I no pikeu kümtsü shi aye, I no nongu ghümiw aghümi shi nani, eno nongu mjochile chekemi mjochile nani.

ISAIAH 31:4

Ikehu Ampeu no I vilo ishi pie, “Abongshuu no lhoxü tsüpe akelo ambekhemi no igha anamu pa kichimla momu hapupo mla ketoi, Aqokitikhi MPEU ghi aghü shini kehu Zion Toghi lo iqighi nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

AKIKIHI 22:6

Ikehu ighi no timi hipaqo müsüinive tsülo. Kughengu panongu ye I nguno akumtou shi ani. Ishiake I no panongu theqhive no aghakhu lono haleve luvi, kughengu nono khuu kümghatsü cheni keno pa ye mügha cheni, eno nono müsüinive keu ye angusüpu shive chenie.”

AKIKIHI 23:24

Hipa shiaye julo! Abongshuu toi ithughi ani abongshuu no ithughi akeshi ani; pa no tsüqhi keu lhoxü chukhave eno aji tsüyeve moke kutolo, pa ye ihozü chemoe.”

AKIKIHI 24:10

Balak ye Balaam ju amloideve eno pa u kumsho luve. Pa no Balaam vilo pi, “I no o kukeu ye I ghümi müsüini peniye kelaye no ye hi ghuthu küthü panongu kümghave tsüae.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

Apostolmi 9:5

Saul no pi, “Ampeu, no ye khuu kea?” “Ni ye Jisü, nono kijipüsa akeu huke.

ZAKINIU 30:7

Ampeu nongu Lhou no hi müsüini keu kümtsü no ghümi khunono nongu ghime keno, tipaqo shou pukuve tsü nani.