AKIKIHI 22:5 - Sumi Naga CL (Re-edited) Bible (BSI)

⁵ aghinimi hape Aghoki kupunu lo Amawmi yeghi, Pethor lo Beor nu Balaam ake pa vilo pi puwu, “Julo, Egypt lono ashiaye lakhi ighi ani. Panongu no ayeghi küzü luvae eno ni ghakhu kukuu aghazü shi ani.

BAIBEL (BSI)

⁵ Beor nu Balam kusaghi penike aghini kishimi puwu, Balam ye Amao yeghi Eufrati ghoki kupunulo Pethor ipikeu lo ake. Aghinimino Balak launo asutsa hitoi peighi: “Niye opelo hi ithi penishi ani, ike Ijip kudauno ashiayeh kije lakhi ighi ani; pano timiqoye aqha kumtsulo nhakha wocheni eno niyeghi luvetsuni ke shikichi ani.

AKIKIHI 22:5 Iomraidhean Croise

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

LESHELE 105:24

Eno Ampeu no paw timiqo ighono ikoishe lupe eno panoqo pelo pano ghümi nguno akumtou shilupe.

IPEKULU 10:15

Tipaqo no ayeghi kümtsü nhachhive, ikehu tipa yeghi ye zümoive, eno ayeghi lo mürasü no achili shi qhive keu sütsüni eno axathibo kümtsü tipaqo no külhü chukhave. Egypt yeghi lo aluza lo asübo momu atsüni kiumu qhitsü move.

MICAH 6:5

O Iw timiqo, Moab kükau Balak no kiu kuchughu, Beor nu Balaam no kiu pa khochile, Shittim lono Gilgal kutolo kiu shikeno kümsülu lo, eno AMPEUw achipiu kümla nongu no ithi nani.”

AKIKIHI 23:7

Balaam no tungkuptsa hipau pitsü: “Balak no Aram lono I sasü ighi, kipela naghuto küdau Moab kükau: ‘Ighilo, I ghenguno Jacob ghusho lo, ighilo, Israelmi müsüinive lo!’

AKIKIHI 31:8

Panongu no Midian kükami pungu pithive tsü: Evi, Rekem, Zur, Hur, eno Reba. Panongu no Beor nu Balaam ghi pithive.

ZAKINIU 23:4

kughengu nongu no Egypt lono ipeche kelo panongu no achuqupu ngo azü pesü nongu tsünikeu milive, eno Mesopotamia lo Pethormi Beor nu Balaam piqe no nongu müsüini peke.

ZAKINIU 23:5

Ikemu Ampeu nongu Lhou no Balaam tsa initsü moe; Tishinike züqhulo Ampeu nongu Lhou no ghukusho pesü kükümgha lo süve tsüe, kughengu Pa no nongu kimiye ke.

JOSHUA 13:22

Israelmi zütakikihi no ghiqhive kemi gholo asakiqhimi Beor nu Balaam ghi ae.

JOSHUA 24:9

Tithiu Zippor nu Balak Moabmi kükau no ithu Israelmi sasü aghüshi. Pa no nongu ghusho peniye Balaam kupuwu.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.