AKIKIHI 20:8 - Sumi Naga CL (Re-edited) Bible (BSI)

⁸ “Aküsü ikhilulo eno Aaron nokujo no aqoaho kukumqo lo, tishino panoqo zülo atuqu akeu vilo azü ipeghi penike azah tsülo. Hitoi shipüzü aqoaho eno panow lhoxüqo pelo atuqu lono azü yelu pelo.”

BAIBEL (BSI)

⁸ “Puloshoqhi Bohu zulo akusu akeu ikhilulo eno tipa shelo Aron okujono aqoaho kuchopu kukumqolo. Tileno panoqo kumtsu gizu lono atuqu hu akeu putsalo eno tipau lono azu shei qoipeghi nani. Hitoi shipuzu timiqo ghenguno nono atuqu lono azu ipeghipe nanike, panongu eno pano pichepighi pelo yelupenike.”

AKIKIHI 20:8 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

NEHEMIA 9:15

Panongu müzü ghenguno kungugha lono asho tsü, atüghü ghenguno atuqu lono azü tsüe. Nono panongu tsünike tushoqhi keu yeghi lo ilo no qhasü luvelo pike.

LESHELE 105:41

Pa no atuqu lhaphe kelo azü no qoipeghi; tino aghoki toi asayeqha lo qowu.

LESHELE 114:8

Pa no atuqu pesü azükucho-a shivetsü, atuitu pesü azüpuki shivetsüe.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

IPEKULU 14:16

O küsü peqhelo, eno azüghi shou o u chhopuwo no ti kijetha lo, tishianguno Israelmi no qhaike yeghi dolono azüghi lo katha wulu nani.

IPEKULU 17:9

Ikehu Moses no Joshua vilo pi, “Ningu ghenguno timiqo kishephe lo, eno wuno Amalekmi sasü aghü shilo. Thoghiu I no I u lo Alhou küsü pesü atoghi kütsüqa lo puthughoni.”

IPEKULU 4:17

O u lo aküsü hipau pelu lo, hipau vecheo nono amchipuqo mla nani.”

IPEKULU 4:2

Ampeu no pa vilo pi, “O u lo kiu peani kea?” Pa no pi, “Aküsü lakhie.”

IPEKULU 4:20

Ikehu Moses no pa nipu eno pa nuli saluve no khurgha shou pukuve, eno Egypt yeghi lo idewove. Eno Moses no pa u lo Alhou küsü peluve.

IPEKULU 7:20

Moses ngo Aaron pama no Ampeu no azah tsü ketoi shie. Pharaoh eno pa qemi nhethe lono pa no aküsü peqheno Nile zü lo hesü, eno Nile lo azü kümtsü aji ilhou khave.

ISAIAH 43:20

Tüghashiqo no I gihu nani; aghalo tsü ngo ostrich no I gihu nani; kughengu Iw kishekiphe timiqo pelo yelu penike I no timi küghünamo ke-a lo, eno asayeqha lo azü tsüke.

ISAIAH 48:21

Pa no panongu sasü asayeqha katha kelo panongu ye tüghüthi moe; Pa no atuqu lono panoqo ghenguno azü ipeghipe; Pa no atuqu hepho eno tipau lono azü qoipeghi peke.

AKIKIHI 20:11

Moses no aküsü peqhe no atuqu shou ghuthu kini ghapuku kelo azü no kupukuno shi ipeghi, eno timi ngo lhoxü kümtsü azü yelu.

AKIKIHI 20:7

eno Ampeu no Moses vilo pi,

AKIKIHI 21:15

eno akhila lono aqhe shi iqi tino Ar ghüna kutolo iqi akeu, eno Moab lughi sasü küxape akeu.”

AKIKIHI 21:18

Sakiphemi no chhukeu zükikhe, Gihuküzümi no pano kükaküsü ngo aküsü pesü chhuphe ke.” Panongu no asayeqha lono Mattanah lo chesü wuve,

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

John 16:24

Itehi kutolo nongu ye I je lono kiumu khumphie. Khulo, eno nongu no ithulu nani, tishianguno nongu lokivi ye chhitoilu nani.

Apostolmi 1:14

Hipaqo kümtsü akükümsü lakhi shino tamono akighini shia, panongu gholo totimiqo, Jisü paza Mary, eno pa thiküzümi ae.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

JOSHUA 6:5

Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.