AKIKIHI 20:2 - Sumi Naga CL (Re-edited) Bible (BSI)

² Ikelo aqoaho ghenguno azü kühave kehu timiqo no kumqope Moses ngo Aaron pama mjochile thuve.

BAIBEL (BSI)

² Aghazu alo azu kuhae tighenguno timiqono Muse ngo Aron pama suhope kumqoluve

AKIKIHI 20:2 Iomraidhean Croise

LESHELE 106:32

Panongu no Meribah züpuki lono Pa mlo shikighideve tsü, eno pano kipimi tipau ghenguno Moses lau aküpüna shive,

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

IPEKULU 16:2

Asayeqha tileno Israelmi qoaho kümtsü no Moses ngo Aaron shou muchho thuve,

IPEKULU 16:7

eno inaqhe no nongu no Ampeu juküvü ithulu nani, kughengu nongu no Ampeu shou muchho keu Pa no chiluvae. Kughengu nikujo ye kiue pi nongu ye nikujo shou muchho ani kea?”

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

AKIKIHI 16:19

Eno Korah no ahohomi kümtsü hekütsü pesü aphiki kulaghi lo Moses ngo Aaron pama lau jupuwo ghi puthugho luve. Ikelo Ampeu juküvü no ahohomi kümtsü lau ipeghi.

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

AKIKIHI 16:42

Kughou panongu no Moses ngo Aaron pama ghechile ghi kumqo luve keno, panongu no kuposhukulu phiki küdau ighi kelo khüngküsü no tipau küzüpho luve eno Ampeu juküvü no panongu lau ipeghi.

AKIKIHI 21:5

Eno Alhou ngo Moses pama lachile pi, “Nokujo ye kushiye Egypt lono ningu saipe hi asayeqha lono pithive niye ani kea? Kughengu hilau ye achuqupu momu azü mu küha eno ningu ye achuqupu lhoksa hipau chumlae.”