AKIKIHI 19:9 - Sumi Naga CL (Re-edited) Bible (BSI)

⁹ Timi khuu no mithe ani keno pa no amishi kipti yevu xukumqo pesü aghazü khalau akimthe-a lo qhini. Ti ye Israelmiw mithekumo qhukimthe chekeu zü gholo peitha kepushi qhivelo. Hi ye axine kümllagho ke.

BAIBEL (BSI)

⁹ Tithiu timi lakhi achinepulo mithe akeuno amshi pitive keu yevu xukumqo pesu ighino aghazu nguno khalau achinepu lo mithevekeu alo qhini,Israilmi achinepu lo mithemove kelo ikhivetsulu chekeu zu kuto kelo peitha penikeu alo qhitsulo. Chinikeu hipauye axine peivenikeu chineke.

AKIKIHI 19:9 Iomraidhean Croise

ACHINE 15:20

Li no atüqhüdo ighi akelo kiukiu shou iqa momu zü namu ti ye mithemo niae.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

AKIKIHI 19:13

Khukhumu akithi kumo dilu no pa ampi qhukimthe mo aye, pa ye Ampeu kungo phiki shikitiqe ani, ikehu Israelmi gholono hapheveni; kughengu qhukimthe kepu zü pa shou lepuku mphi kehu pa ye mithelu mphi, eno mithekumo ye pa shou aphi ke.

AKIKIHI 19:17

Mithekumo ikhive nike ghenguno, axine kipti kümllagho yevu pesü abohu lakhi lo süno azü kütsüghü lesülo.

AKIKIHI 19:18

Tithiu mithe akeu timi no ayilobo pesü azü lo tipau chosü no aphiki shou, tinhemghaqo shou, timi tile akeqo shou, eno khuu no asaghi buve, momu akumo eno akumoki buve keno pa shou küzüte pukulo.

AKIKIHI 19:3

Eno nokujo no tipau pesü achineu Eleazar tsüno ti sasü aghazü khalau ipe püzü pa zülono heqhi pelo.

AKIKIHI 19:8

Timi khuu no amshiti piti keno pa phimini ishive eno azü kuchhuveni eno pa ye avelau kutolo mithemo no ani aphike.

AKIKIHI 6:12

Pa pelo Nazirmi shi anikeu do kupulu penike Ampeu lau ikhiphe kithe tsüni, eno akipimi kümllagho ghenguno ampe lakhi mbe süghini. Ikemu pa no püzüu Nazirmi shi ighive keu do ye shipixive akehu kihimoae.

AKIKIHI 8:7

Panongu shikimthe nike nono hitoi shini: shikimthekütsü zü pesü panongu küzütelo, eno panongu no aqe pesü pano phimpi kuchopu miyeveni, tithiu no aphimini ishive no azü kuchhuveni.

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 9:13

Kughengu anetsü ngo amshitsü ji, momu amshiali pitikeu yevu pesü mithe kumomi shou lepuku kelo ashou shikimthe luve cheni aye,