AKIKIHI 19:13 - Sumi Naga CL (Re-edited) Bible (BSI)

¹³ Khukhumu akithi kumo dilu no pa ampi qhukimthe mo aye, pa ye Ampeu kungo phiki shikitiqe ani, ikehu Israelmi gholono hapheveni; kughengu qhukimthe kepu zü pa shou lepuku mphi kehu pa ye mithelu mphi, eno mithekumo ye pa shou aphi ke.

BAIBEL (BSI)

¹³ Khuu khumu akithikumo dilu puzu pa likhi pa qhukimthemo aye tishi mithemono anani, kughengu qhukimthe kepu zu pa shou lepuku mphike. Paye AMPEU Phiki kitiqeve nanike eno Alhou wu timiqo gholo lakhi kepi kihisumove nani.

AKIKIHI 19:13 Iomraidhean Croise

IPEKULU 30:33

Khukhumu hitoi keu thazü kimihi shi mlakeu momu hipau pesü ashoumi shou lepuku keu ye paw timi gholono hapheveni.’”

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

EZEKEL 44:26

Pa no mithe move kethiu, panongu no pa ghenguno atsala tsüni kihini.

ACHINE 15:31

“Mithemo no akemi no Ampeu kungo-a shipixi luno thive nosa kehu no ye panongu pesü Israelmi launo kütüta shi qhi masae.”

ACHINE 20:3

Pa no pa tianuli pesü Molekh tsükeu lono I kimthe-a shipixi eno I je kimthe shipütha kehu, I no pa launo I gi kughove nani eno Iw timiqo gholono hapheve nani.

ACHINE 22:3

Panongu vilo pilo, ‘Tiqheli kupuju lo no laghami khuu no mithemo pülaghi Israelmi no akimthe kümllagho I lau ikhiphe tsükeu kupunu ighini keno, pa ye I zülono hapheve nani: Ni ye Ampeu ke.

ACHINE 22:4

Aaron polo kughukomi apügha küsü momu aphi lono azü ipeghi kemi khumu mithelu moke kutolo akimthe kümllagho chumoni. Khukhumu akithi kumo, momu aphizü ipeghi keu buluke lono mithe move,

ACHINE 5:17

“Khuana no Ampeu zakütsü lo shimo kepu lakhimu shive no axine shive aye, pa no mthano shive aghi namu kughou pa kipimi kümsüchile luni keno, pa ye pa xine xapu masae.

ACHINE 5:3

momu timi lakhi philo kiukiu mithekumo namu xapu aghi kelo khuana no buve no mithe moveni, eno ti vethalu no pa kipimi kümsü chilelu aye;

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

ACHINE 7:20

ikemu timi khuu no mithekumo xapu apülaghi AMPEUw külakishi kümllagho ghakishi shi chuni keno, pa ye paw timiqo launo kütüta shiveni.

ACHINE 7:21

Tsala khuana no mithekumo thime, timi kimthe kumo na, tüghashi na, momu kuchhube-kütsüla lhoxü namu buve no AMPEUw külakishi kümllagho ghakishi shi chu aye, pa ye paw timiqo gholono kütüta shiveni.”

AKIKIHI 15:30

Ikemu khuu no püthapütsano axine shiveni keno Israelmi na inaghami namu, pa ye Ampeu hebidevae, tighenguno timi tipau ye aqo gholono kileve lo.

AKIKIHI 19:14

“Milakhi no aphiki lono thive aye, aphiki tipau lo ilo kemi eno aphiki alou akemi kümtsü atsala tsüni kutolo achinepu lo mithe movae.

AKIKIHI 19:18

Tithiu mithe akeu timi no ayilobo pesü azü lo tipau chosü no aphiki shou, tinhemghaqo shou, timi tile akeqo shou, eno khuu no asaghi buve, momu akumo eno akumoki buve keno pa shou küzüte pukulo.

AKIKIHI 19:19

Atsala aküthüni eno akütsüniuni mithe akeu timi huno azü pesü mithekumou shou küzüte pukulo. Tishino akütsüniuni ye pa ye mithe luve nani, pa no aphimini ishive eno azü kuchhuve kethiu avelau ye mithe luve nani.

AKIKIHI 19:20

“Tsala mithekumou no pa ampi qhukimthe mo aye, pa ye Ampeu kungo phiki shikitiqe ani kehu Israelmi gholono hapheveni. Qhukimthe kepu zü huno pa shou lepuku mphi kehu pa ye mithelu mphi ke.

AKIKIHI 19:9

Timi khuu no mithe ani keno pa no amishi kipti yevu xukumqo pesü aghazü khalau akimthe-a lo qhini. Ti ye Israelmiw mithekumo qhukimthe chekeu zü gholo peitha kepushi qhivelo. Hi ye axine kümllagho ke.

AKIKIHI 8:7

Panongu shikimthe nike nono hitoi shini: shikimthekütsü zü pesü panongu küzütelo, eno panongu no aqe pesü pano phimpi kuchopu miyeveni, tithiu no aphimini ishive no azü kuchhuveni.

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 9:10

ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:11

Küsaküghami no küsakügha shi apelo, eno mithekumomi no mithekumo shi apelo, ikemu achipimi ye achipiu shialo, eno akimthemi ye akimthe shialo.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.