AKIKIHI 18:8 - Sumi Naga CL (Re-edited) Bible (BSI)

⁸ Tishino Ampeu no Aaron vilo pi, “Julo, Israelmi no kishekimthepe akümllagho shi I tsükeu kümtsü shou jukütsü penike I no o pichetsü ani. Tipaqo pesü I no alholo ghenguno no eno o nuliqo saje shitsü ani.

BAIBEL (BSI)

⁸ AMPEU no Aron vilo pi, “Aghashi pitikeu kumono kutau pakutakeu jeli qhasuwo itsu keu kumtsu ino nongu tsu ani kepi kumsululo. Ino tipaqo pesu no eno olaghalo kughuko tsuakeuye alhokupujulo nongu sala shiche peniyeke.

AKIKIHI 18:8 Iomraidhean Croise

KUKAMI AKINIU 12:16

Akipimi kümllagho ngo axine kümllagho lono iloghi keu ghükayi ye Ampeu kilo süghimoe; ti ye achinemi sala shiche.

YEKIKITHI AKINIU 31:4

Hezekiah no Jerusalem lo küami vilo achinemi ngo Levimi saje tsülopi azah tsü, tishianguno panongu pelo amlo tsüqhiyi Ampeu Yezah lono mla peniye ke.

YEKIKITHI AKINIU 31:5

Akükau no aqha lo azah tsüve kemtsa Israelmi no ghile amsüu athi, atsaizü, thazü, akhingozü, eno alu lo pekighi jeli kupukuno shi tsü. Panongu no thokha lo chighi saje kupukuno shi süghie.

IPEKULU 28:43

eno alou mini tipaqo ye Aaron ngo pa nuli no kughou kuposhukulu phiki lo iloghini momu Akimthe-a lo achine kümla shiniye akümlla-khache lo ighini keno tileno pepuni, tikumo aye panongu ye akipimi xapu thive nosae. Hi ye alholo pa eno pa tikughuko athiumi ghenguno ayezah lakhi shi ache nani.

IPEKULU 29:21

Tithiu aji hami akümlla-khache shou akeu eno nukikishe thazü pesü Aaron ngo pa nuli eno panoqo phimini shou küzüte pukulo. Pa eno pa nuli phimini ye akimthe shive nani.

IPEKULU 29:28

Tipau ye Israelmi launo alholo Aaron ngo pa nuliqo saje shini, kughengu ti ye qhaphelu keu lakhi ke. Ti ye Israelmi no Ampeu lau panoqow külakishi kümllagho tsükeu lono qhaphe keu shini.

IPEKULU 29:29

“Aaronw akimthe phimini ye pa nuliqow shini; panoqo ye tipau pepu no nukishe nani eno kimkhi nani.

IPEKULU 40:13

eno akimthe phimini pesü Aaron pipelo. Aaron pelo achinemi shi I qe penike nono pa nukishe eno kishe kütüta shini.

IPEKULU 40:15

eno panongu pelo achinemi shi I qe penike panoqo papu nukishe ketoi nono panongu nukisheni. Eno panoqo nukishe keu huno tiqheli kupuju lo panoqo pesü achine kümlapu lo süküsü shiluve nani.”

ISAIAH 10:27

Tipa ghuloki loye nongu bighi lono Assyriami makho ikhivetsü nani; nongu kuo lono kuokhasü ikhipe hechheve tsü nani. Panongu ye Rimmon lono wuve nani.”

ACHINE 21:10

“Achinetou ye pa kütsü lo nukikishe thazü lepukuvae eno achinemi phimini pepu penike kishekimtheve akehu, pa ye amloksa piye ghi asa xemono qhimoni momu aphimini süxü moni.

ACHINE 23:20

Achineu no asho gholo ambeti küma süno Ampeu lau akimchi kümllagho shi achinemi ghenguno tsüni, hipaqo ye akimthe ke.

ACHINE 6:16

Achili thaqhü no Aaron ngo pa nuli no chuni. Ti ye kholaqhi sümono akimthe-a, kuposhukulu phiki khala lono chuni.

ACHINE 6:18

Pülhapuju tiqheli kupuju lo acheni keu xaküthaza kiqi lono Aaron lagha lo kiptimi thaqhü no Ampeu lau achuqupu kümllagho tsükeu chuni. Kiu kiumu tipaqo bukeu ye akimthe shiveni.”

ACHINE 6:20

“Aaron lagha lo milakhi pesü nukishe kelo, tipani Aaron ngo pa nuli no hitoi Ampeu lau akümllagho süghini: tsalakipe athi kümllagho shi ashomkhu akiviu ahu lakhi, tüxa no inaqhe eno tüxa no avelau no tsüni.

ACHINE 6:26

Achineu hi peitha tsü akeu no akimthe-a kuposhukulu phiki khala lono chuni.

ACHINE 7:14

Pa no asho jeli süghi keu lono lakhikhi pesü Ampeu lau pa kümllagho shi tsüni. Ti ye achineu külakishi kümllagho shikelo aji pesü küzüte chekeu no luveni.

ACHINE 7:28

Ampeu no Moses vilo pi,

ACHINE 7:6

Achinemi kümtsü no ashi tipau chulu nani. Ti ye shishe akimthe kehu akimthe-a lono chuni.

ACHINE 8:30

Moses no nukikishe thazü eno akiptia lo akeu ji luve no Aaron ngo pa nuli phimini lo küzüte puku. Hitoi pa no Aaron eno pa phimini eno pa nuli ngo panoqo phimini shikimthe tsü.

AKIKIHI 18:9

Hi shishe akimthe thimeqo ye o saje ke: timi no akümllagho tsükeu kümtsü, athi kümllagho, axine kümllagho, eno pimive keu kümllagho, hi kümtsü no eno o nuliqo saje ke.

AKIKIHI 5:9

Israelmi no akimthepu lo hitoi qhapesü achineu lau süghi keu ye paw shive nike za.

1 Kor. 9:13

Khunono achineki kümlapu lo ani keno, achineki lono pano chuqupu ithulu cheni, eno akiptia lo hukuthu kümlami no aghakishi kümllagho lono asaje ithulu cheni pi nongu ye mtha keshea?

ZAKINIU 12:11

tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

ZAKINIU 18:1

“Levimi achinemi eno Levi laghami thaqhü ye ayeghi saje lumo nani momu Israel lo amheghi kühae. Panongu ye Ampeu lau achuqupu kümllagho tsükeu no pano mheghi shi nani.

ZAKINIU 26:13

Ampeu nongu Lhou zülono ishi pini, ‘Ni ye akimthe saje I ki lono ikhiphevae, eno Nono azah I tsüke toi ti pesü Levimi, kachenami, mighimi, eno chimemi tsüvae. Ni ye O yezah lakhimu hebidemo momu kümsümave moe.

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.