AKIKIHI 17:5 - Sumi Naga CL (Re-edited) Bible (BSI)

⁵ Tileno I no khuu kisheni keno, pa küsü huno mini ipeghive nani. Tishikeu lono Israelmi no o shou muchho chekeu I no lakhave tsüni.”

BAIBEL (BSI)

⁵ Tithiu ino kisheluve keu timi wu akusu huye ani mini ipeghi nani. Hitoi shikeu lono Israilmino oshou tamono muchho achekeu ino lakhave tsunani.”

AKIKIHI 17:5 Iomraidhean Croise

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

EZRA 2:62

Khunoqo no alagha dolo aje akikihi lo süpüa keno phuju, ikemu panoqo ye tile aghi move, ikehu panoqo ye akimthe kumoe pi achine kümla lono kilepheve.

LESHELE 105:26

Pa no Pa qeu Moses, eno Aaron, khuu Pa no kishelu keno pama puwu.

IPEKULU 16:7

eno inaqhe no nongu no Ampeu juküvü ithulu nani, kughengu nongu no Ampeu shou muchho keu Pa no chiluvae. Kughengu nikujo ye kiue pi nongu ye nikujo shou muchho ani kea?”

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

EZEKEL 16:41

Panongu no o ki pitileve tsü nani eno topumi kutomo nhethe lono o shou küghathabe nani. Nono kütüqha chekeu I no lakhave tsü nani, eno no ghi asalha me tsü chekeu tsümove nani.

EZEKEL 23:27

Ghaghughale eno kütüqha keu khikhi Egypt yeghi lono huthu keno I no ti kishekhave tsü nani, tishikeu lono no ye panoqo lau o nhethi jupuku move momu Egypt kümsü kithe move nani.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

AKIKIHI 1:51

Kughou aghazü xakiqheni keno, panongu no Aphiki xaqhini, eno a-a kithelo qhini kelo panoqo no tshüni. Panoqo nguno alau kütami no tipau phivilo ighi aye ye pithive nani.

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

AKIKIHI 16:5

Tishino pa no Korah ngo pa gholo chekemi vilo pi; “Ampeu no thanau no khuu no Paw keno piye nani; khuu no akimthe keno, Pa no Pa phivilo saghi nani. Pa no khuu kisheluni keno, Pa phivilo saghi nani.

AKIKIHI 17:10

Ampeu no Moses vilo pi, “Hekibidemi ghenguno amchipu shi ghi Aaron küsü ikhichile süwo Puloshoqhi bohu zülo qhilo, tishianguno panongu kümchho tave peni, tikumo aye panongu ye thive nani.”

AKIKIHI 17:6

Moses no Israelmi pütsa eno atomi kümtsü pütüta li kiqi lono aküsü lakhikhi, aqolo chighikini pa tsü. Eno Aaron küsü ghi tipaqo gholo qhie.

AKIKIHI 17:8

Thoghiu Moses no aphiki lo iloghi kelo Levi lagha züqhushi akeu Aaron küsü huye mini ipeghi no puile aghi eno almond xathi nive ghi pithi akeu ithulu.

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

JOSHUA 4:7

nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”