AKIKIHI 16:9 - Sumi Naga CL (Re-edited) Bible (BSI)

⁹ Nongu ye Israel Lhou no Israelmi kümtsü dolono nongu kütashi qhikeu hu jukuloti ani keshea? Ampeu no nongu Pa phivilo saighi keu, Pa phiki lo hukuthu kümla shipe keu eno ahohomi zülono Pa lau akümlla kümla shipe keu jukuloti ani keshea?

BAIBEL (BSI)

⁹ Nonguye Israil Lhou no aqoaho kutamiqo launo nongu kutashi qhikeu huye kitila vehu kughashi kesha? Tishikeu lono nonguye pa lau kupunu ighino, AMPEU Phikilo nongu kumla shilu eno aqoaho peitha eno panoqo qelupeke kumo kesha?

AKIKIHI 16:9 Iomraidhean Croise

BOTHUBO 30:15

Ikemu li no pi, “I kimi no o sawuve keu ye avehu tachu küghashi ani keshea? I nuw zünilobo ghi no ye ikhipe wuveni keshea?” Rachel no pi, “Tishi aye o nuw zünilobo chhekichile shi itiji no ye pa gholo zü lunani.”

SAMUEL AKINIU 7:19

Ikeghi O nhethe lo hi ye aghuloe, O Ampeu Alhou. Nono O qeu lagha ghenguno ighini keu kutolo piqhive tsüae, eno hi ye timi kümtsü ghenguno akükütsütsa ke, O Ampeu Alhou!

YEKIKITHI AKINIU 35:3

Levimi khunono Israelmi shika eno Ampeu lau akimthe shicheni keno, tipaqo vilo pa no pi, “Akimthe puloshoqhi bohu ye David nu Israel kükau Solomon no shikeu kilo qhivelo. Nongu ye abighi lono peche kelau kumoae. Itehi nongu ye Ampeu nongu Lhou eno Paw timi Israelmi huthulo.

NEHEMIA 12:44

Tipa tsalani achineki lo tüqhatüzü jeli, ghile hutüghüu, eno chighi saje kiqhi-a lo hekükütsümi süsüve. Ayezah lo aketoi panongu no mishiphu lo alu lono achinemi ngo Levimi saje pewo qhitsü, kughengu Judah timi no achinemi ngo Levimi shou amlokiqi ake.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

EZEKEL 34:18

Atsüni kümtsha-a kivi lono loji akeu ye nongu ghenguno aghaqi move kesheno apukhu pesü nongu tsüni kümtsha-a qodave; eno azü kütsüghü ye akeu ye aghaqi move kesheno apukhu pesü azü qhoi shipuqo masave keshea?

EZEKEL 44:16

Panongu no I kimtheki lo iloghi no I huthuni ke I ghulhu lüpa lo ighi nani, eno I yezah pape nani.

AKIKIHI 1:53

Ikemu Levimi ye Puloshoqhi phiki homxape aghazü shino tipau khekutoni, tishianguno Israelmi qoaho shou aloghu ikughimo nani.”

AKIKIHI 16:13

Nono akichhizü ngo akhingozü qowu akeu yeghi lono ningu sasü ipeghi püzü asayeqha lono ni pithive niye akeu likhi kumono ni shou sakipheu shiniye ani keshea?

AKIKIHI 16:8

Moses no Korah vilo ishi pikibe, “Hi inilo nongu Levi laghaqo!

AKIKIHI 3:6

“Levi laghami sasü kupunu ighi no panongu pelo achineu Aaron huthu penike süsülo.

AKIKIHI 3:9

Nono Levimi pesü Aaron ngo pa nuliqo tsüni; panongu ye Israelmi gholono qhoi ikhipe Aaron tsüvae.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

1 Kor. 4:3

Ikemu nongu momu ayeghi lo küghaki lono I shou küghathabeni keu ye I ghenguno akhoto vehu kumoe. Kuchou loye, ni ye ni ampi shou küghathabe chemoe.

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.

SAMUEL ATUGHIU 18:23

Saul qemi no atsa hipaqo David kini lo pisütsü. Eno David no pi, “Ni ye kumlhomi eno ajuaje küha ke akükau makishiu shini keu ye aghulo vehu küghashi ani keshea?”