AKIKIHI 16:15 - Sumi Naga CL (Re-edited) Bible (BSI)

¹⁵ Moses ye agha ideve eno Ampeu vilo pi, “Timi hipaqo kümllagho ikhilutsü kevilo. Ni ye panoqow khurha lakhimu lumphie momu lakhimu ghüza mphie.”

BAIBEL (BSI)

¹⁵ Muse ye agha ideveno AMPEU vilo pi, “Timi hipaqono akumllagho sughikeu ikhilu tsukevilo. Niye panoqo wu gadaha lakhimu lupuamoe.”

AKIKIHI 16:15 Iomraidhean Croise

SAMUEL AKINIU 22:22

Kughengu I no Ampeu pape eno kixikila shi I Lhou launo putosüve moe.

IPEKULU 32:19

Moses no aghazü kupunu ighi no amshiti julho eno ilhe aghi keu ithulu khavi pa xukighide iqü ipeghive, eno pa no pa u lono atulupha tiküma ikhipe naghuto boqha lono vephove.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

AKIKIHI 12:3

Moses ye ayeghi lo timi kümtsü nguno mtshaivü kemie.

AKIKIHI 16:16

Moses no Korah vilo pi, “Thoghi tsala lo, no eno o papemi kümtsü Ampeu zülo hekütsülo, eno Aaron ghi tilehi ighi peni.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

1 Kor. 9:15

Ikemu ni ye achipiu hipaqo peitha jumphie, tike kumono ni ye ithulu küzüpu hipaqo pükha niye anike kumoe. Kughengu ni ye thive keumu pavi thono khuu pelomu I kijivilelu chekeu hipau I launo süwuve tsüpemo nani.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 7:2

Nongu mlo ningu lau khaqhi tsülo. Ningu ye khumu pimi püamo, khumu külügho tsü püamo, ni vehupu shiniye akumou lono khumu peitha püamoe.

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

1 Thes. 2:10

Ningu khuaye no kishi nongu küpülümi lau akimthe, amikucho eno tukutiye küha keno nongu no eno Alhou ghi thopike.