AKIKIHI 16:13 - Sumi Naga CL (Re-edited) Bible (BSI)

¹³ Nono akichhizü ngo akhingozü qowu akeu yeghi lono ningu sasü ipeghi püzü asayeqha lono ni pithive niye akeu likhi kumono ni shou sakipheu shiniye ani keshea?

BAIBEL (BSI)

¹³ Nono ningu sasu Ijip kinikulu yeghi lono saipeghi puzu asayeqha hilauno ningu pithiveniye shi akeu hino kughokumo sheno noye hilaghi ningu shou ampiu shi qhasu aniye keshea?

AKIKIHI 16:13 Iomraidhean Croise

IPEKULU 1:11

Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

IPEKULU 1:22

Tithiu Pharaoh no paw timi kümtsü lau azah tsü, “Hebrewmi lau anu kiptimi punu keqo kümtsü nongu no Nile lo vesüve lo, ikemu anga totimi ye kümtsü püxülo.”

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

IPEKULU 17:3

Ikemu tilehi timiqo ye ighono tüghüthive, eno Moses shou muchho no pi, “No ye kushiye ningu eno ni tianuli ngo atsü-aquqo atüghü lono pithiveni ye Egypt lono saipeghi kea?”

IPEKULU 2:14

Pa no khochile, “Khuu no o pelo ni shou kükapuu eno xaküthau shipe kea? Nono Egyptmi heqhive ketoi ni ghi heqhive niye ani keshea?” Tileno Moses ye msave no ishi kümsüve, “Mtsüqheino hi ye ithi khavae.”

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

EZEKEL 34:18

Atsüni kümtsha-a kivi lono loji akeu ye nongu ghenguno aghaqi move kesheno apukhu pesü nongu tsüni kümtsha-a qodave; eno azü kütsüghü ye akeu ye aghaqi move kesheno apukhu pesü azü qhoi shipuqo masave keshea?

AKIKIHI 11:20

ikemu aqhi kupuju nongu nigipe lono ipeghiuve no alole moke kutolo chuniae, kughengu nongu no Ampeu Khuu nongu gholo ani keno Pa milive no Pa zülono, “Kushiye ningu ye Egypt lono ipeghive kea?” ipi ighamku auveke.’”

AKIKIHI 11:4

Tithiu Israelmi gholo xukütshüve kemi chekeqo no achuqupu mine kütüve, eno Israelmiu ghi muchho thuve no pi: “O ningu no ashi chukepu kitilamu aghi keaye lae!

AKIKIHI 11:5

Egypt lo nino kümsano akha chu chekeu, akuka, azühengu, bobotsüna, alhatsüna, eno anhetsüna kümsülu anie.

AKIKIHI 13:27

Eno Moses vilo pi, “Nono ayeghi khile ningu puwu keno nino wujuke. Tile ye akichhizü ngo akhingozü no qowu ani, eno tilau xathi hi anie.

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 14:3

Ghüyi lono woveni keghi kushiye Ampeu ye hipau yeghi lo ningu saighi ani kea? Ningu nipu anuliqo ye küghape wuve niae. Ningu ye Egypt lo idewove keu pavi moni keshea?”

AKIKIHI 16:12

Tithiu Moses no Eliab nu Dathan ngo Abiram pama kupuwu ikemu pama no ishi pi, “Nikujo ye ighimoe!

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Apostolmi 7:35

“Moses hipau, khuu timiqo no, ‘Khuu no o pesü ni yepeu eno xaküthau shive akea?’ ipi kileve keno, kungumi no asüminipho lono pa lau ipeghi keu vecheo Alhou no yepeu eno xaphekuluu shi puwue.