AKIKIHI 15:9 - Sumi Naga CL (Re-edited) Bible (BSI)

⁹ amshitsü gholo ashomkhu akiviu ahu tsügho pesü thazü ahu kini lo kunuve no mlla lo.

BAIBEL (BSI)

⁹ asho kukubo kilogram kuthu pesu oliv teli liter kinilo kunu puzu athi kumllagho shi

AKIKIHI 15:9 Iomraidhean Croise

YEKIKITHI ATUGHIU 21:23

Ornan no pi, “Tishilo! I mpeu akükau no kiu pulo keno luni thono. Eno akipti kümllagho mishitsü, süküghüpu sü shikepu amishi kuokhasü ngo athi kümllagho ghenguno ashothi ye kümtsü I no tsüni.”

NEHEMIA 10:33

ti ye akimthe sho, tsalakipe athi kümllagho, tsalakipe akipti kümllagho, Sabbath tsala, aqhi kithe pine, tiqhetini, akimthe kümllagho, Israelmi xine pevekütsü kümllagho, eno ni Lhou ki kümla ghenguno avehupu shive keu kümtsü tsüni.

EZEKEL 42:13

Tithiu pa no I vilo pi, “Ahuu eno apeu acheboqo akikhala ghüngüu akeqo ye akimthe cheboqo ke, tilehi achinemi no Ampeu zülo ighi no shishe akimthe kümllagho chucheni. Panongu no shishe akimthe kümllagho—athi kümllagho, axine kümllagho, eno akipimi kümllagho tile süpe qhicheni—kughengu ti ye akimthe-a ke.

EZEKEL 46:11

“Aghulhu eno tiqhetiniqo lo athi kümllagho ye amshitsü gholo ephah lakhi, ambetsü gholo ghi ephah lakhi, eno ambeqo gholo tsükulupu qhemi tsüni, tipa gholo ephah lakhi lo thazü ahu küthü.

EZEKEL 46:15

Ikehu inaqhe atsütsü tamono akipti kümllagho shikepu ghenguno ambe ngo achuqupu kümllagho eno thazü ishi tsülo.

EZEKEL 46:5

Ambetsü gholono athi kümllagho ye ephah lakhi shini, eno ambeqo gholono athi kümllagho ye pa no tsükulupu qhemi shini, ti ye ephah lakhikhi lo thazü ahu küthü shini.

EZEKEL 46:7

Athi kümllagho ye amshitsü gholono ephah lakhi, ambetsü gholono ephah lakhi, eno ambeqo gholo pa no tsükulupu qhemi, tipau gholono ephah lakhikhi lo thazü ahu küthüthü ishi kutoni.

JOYIL 1:9

Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

JOYIL 2:14

Khuu no ithi ani kea Pa mlo kilive no kükümgha süghi tsüluvi, eno Ampeu nongu Lhou mllalu pe kepushi athi ngo atsaizü kümllagho tsüluvi ke.

ACHINE 14:10

“Atsala akütacheni pa no tukutiye kühakeu mbetsü kini, ampe lakhi mbequ lakhi, ashomkhu thazü pesü kunuve keu ahu küthü, eno thazü ajukhu lakhi süghini.

ACHINE 6:14

“Hi no athi kümllagho yezah: Aaron nuli no Ampeu zülo akiptia gizüu süghini.

ACHINE 7:37

Hino akipti kümllagho, athi kümllagho, axine kümllagho, akipimi kümllagho, akimthepu lo ikhiphekütsü kümllagho, eno külakishi kümllagho yezah,

AKIKIHI 15:10

Tishino thazü ahu kini pesü atsaizü kümllagho Ampeu lopushi tsüngqüi tsülo.

AKIKIHI 15:8

Kughou nono amshitsü pesü akipti kümllagho momu ashoqhi shikupu keu ghakishi momu külakishi kümllagho shini keno,

AKIKIHI 28:12

amshitsü lakhikhi gholo athi kümllagho shi ashomkhu ahu tsügho thazü gholono kunuve keu pesü mllani, eno anetsü gholo athi kümllagho shi ashomkhu ahu bidi thazü gholono kunuve keu pesü mllani;

AKIKIHI 28:14

Amshitsü lakhi ghenguno atsaizü kümllagho ye ahu kini toike, eno ambetsü lakhi gholo ahu lakhi tüxa eno ambeti lakhi gholo ahu lakhi toike mllalo. Hi no ampe kupuju aqhi atsütsü lo akipti kümllagho shini keu ke.

AKIKIHI 29:6

hi ye aqhi kithelo akipti kümllagho, athi kümllagho, eno tsalakipe kipti kümllagho ngo athi kümllagho eno atsaizü kümllagho nguno alau tsüni keu ke; eno ayezah kiqi lono Ampeu lopushi tsüngqüi achuqupu kümllagho tsü keu ke.

SAMUEL ATUGHIU 1:24

Kughou li no pa khove keno li no pa sasü wuno li gholo ampe küthü mishitsü lakhi, ashothi akho lakhi eno atsaizü ashiyiko hughi lakhi pesü Shiloh lo Ampeu kilo süghi. Anu ye itimi shiae.