AKIKIHI 12:8 - Sumi Naga CL (Re-edited) Bible (BSI)

⁸ Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

BAIBEL (BSI)

⁸ Tighenguno niye pa vilo aholeuno pimono agi kinheqhe no mutsumishei putsa cheni; paye ikoghe ghi ithulu apeke! Nokujoye kishi puzu ighumono iqeu Muse piputha anikya?”

AKIKIHI 12:8 Iomraidhean Croise

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

LESHELE 49:4

I no ahole lo I kini kugho puwoni; akighilebo küigha ghi I no phiküghüzü tsa kiqi hephove tsüni.

IPEKULU 19:19

Eno afuko ghügha no alau eno alau kije shi ighauve kelo Moses no atsa pi, eno Ampeu no tsütsüküsü lono pa khochile.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 33:11

Milakhi no pa küsau pütsa ketoi Ampeu no agi no agi kinheqhe ghi Moses pütsa che. Kughou Moses no aphiki lo iloni keno, pa kukuphuu apumi lakhi, Nun nu Joshua, no itha mono aphiki lo ngo che.

IPEKULU 33:19

Eno Pa no pi, “I no Iw akivi kümtsü pesü o zülono wupeni eno o zülono I je ‘Ampeu’ ipi sheshuni. I no khuu küpüqhiyini keno pa küpüqhiyi nani, eno khuu kimiyeqhiyini keno pa kimiyeqhiyi nani.

IPEKULU 33:23

Tishino I no I u ikhiluve no nono I zübo ithulu nani ikemu I gi ye ithumla nani.”

IPEKULU 34:30

Aaron eno Israelmi kümtsü no Moses ithulu, eno julo, pa gi yiko no vüae, eno panongu ye pa kupunu ighini ke msave.

AHOLE 1:6

tishianguno alokütsümi holetsa eno panow sülekuthoqo vethalu nani.

ISAIAH 40:18

Imaye nongu ye khuu momu kiu pesü Alhou kimhe tsüni kea?

ISAIAH 46:5

“I sasü aphiphi shikeu nongu ye I pesü khuu kimheni, eno khuu qhemi shitsüni kea?

EZEKEL 17:2

“Timi nu, sülekutho lakhi hephopiye lo, eno Israel laghami lau aholetsa lakhi pilo;

EZEKEL 20:49

Tile I no pi, “Ah, Ampeu Alhou! Panongu no I vilo pi ani, ‘Pa ye aholetsa iqikipheu ke kumo keshea?’”

HOSIYA 12:13

Tungkupu vecheo Ampeu no Egypt lono Israel saipeghi, eno tungkupu vecheo pa jukuto.

AKIKIHI 14:14

panongu no hile xüküami vilo piveni ake. O Ampeu, hile xüküami ghi Nono timi hipaqo gholo akeu chiluvae; puchou no khüngküsü tsükucho eno putho lono ami tsükucho shino Ow khüngküsü no timiqo khonhape pano züu wukeu, eno agi no agi kithepe No Ampeu ithulu chekeu ithi ani.

AKIKIHI 7:89

Kughou Moses no Ampeu sasü küptsani ye Aphiki lo ilo keno, pa no Puloshoqhi bohu shou cherubim kini dolo küpükini lakhü akeu shouno asütsa lakhi chilu, eno tino pa pütsae.

MATTHEW 13:35

Hi ye tungkupu no kiu pipüa keno shikupu niye ke: “I no kimghikipiye lono pinike I kichi xükhoni; ayeghi boqha gho kelono kiu küsü püache keno I no pini.”

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

1 Kor. 13:12

Kughengu itehi ningu ye ahiju lo jusü akeshi yekibideu ithulu ani, ikemu hithiu ye agi no agi kinheqhe ithulu nani. Itehi ni ye ithipixi aphi, ikemu Alhou no qhoi ni ithi aketoi hithiu ye I no qhoi ithive nani.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

ZAKINIU 34:10

Israel lo Moses toike tungkupmi khilemu ipeghi mphi, kughengu pa ye Ampeu sasü agi kinheqhe no küptsa cheke.

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,

ZAKINIU 5:8

“‘Nongu ye atsütsü lo, ayeghi lo, ayeghi qhou, momu ayeghi qhou azü lo akeu julho kimihi kiumu mlape qhimoni.

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

IBRIMI 1:1

Khaghi ghuloki lo Alhou no tungkupmi vecheo ala jeli kütüta lono ghuthu kutomo ni puasüqo pütsache,

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

Jude 1:8

Titoi timi hipaqo ghi pano samo pükhüpe aphimpi shipixi, yepemi milive eno ajuküvüpu timiqo thaigha ke.