AKIKIHI 11:18 - Sumi Naga CL (Re-edited) Bible (BSI)

¹⁸ Itehi timiqo vilo pilo, ‘Thoghiu ghenguno nongu ampi shikimthe lulo, nongu ye ashi chuniae, kughengu Ampeu no chikulupushi nongu no ishi muchho auve, “Khuu no ashi chukepu ni tsüni kea? Kughengu ningu ye Egypt lo akeu pavi ake.” Ikehu nongu ye Ampeu no ashi tsükeu chuniae.

BAIBEL (BSI)

¹⁸ Itehiye timiqo vilo pilo, ‘Nongu likhi nongu shikimthe luvelo pilo thoghiu tsalalo nonguye ashi chukepu ithuluni ake.Nonguno nonguye Ijip lo aghike aye ashi chulu aghini chekepi nhenheshi piakeu AMPEU no chiluvea. Itehiye AMPEU no ashi nongu tsunia eno nonguye ti chuluni ake.

AKIKIHI 11:18 Iomraidhean Croise

BOTHUBO 35:2

Ikehu Jacob no pa kibolomi eno pa gholo akeqo kümtsü vilo pi, “Inaghami lhou nongu gholo akeqo qhive no nongu ampi shikimthe lulo eno nongu phimini kilive lo.

JOB 20:13

pa no tipau qhinishi mono pa kichi lo müqapu luve namu,

JOB 20:23

Pa po sünhei tsüniye Alhou no pa shou axukighide puwu no tino pa phimpi shou tsüghuqhi nani.

LESHELE 78:20

Pa no atuqu hepho kelo azü no qoipeghi eno aghokiti zü qole ipeghie. Pa ye ashopa momu Paw timi ghenguno ashi tsülu nani keshea?”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

IPEKULU 19:10

Ampeu no Moses vilo pi, “Timiqo lau wulo eno ishi ngo thoghiu panoqo kishekimthe no pano phimini ishi kimtheve pelo,

IPEKULU 19:15

Eno pa no timiqo vilo pi, “Atsala aküthüni ghenguno kutolulo; totimi phivilo wu kevilo.”

IPEKULU 19:22

Achinemi khunoqo Ampeu kupunu ighini keno panongu ampi kishekimtheve pelo, tikumo aye Ampeu no panoqo ghimeve nosake.”

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

AKIKIHI 11:19

Nongu ye atsala lakhi kini, momu pungu, chighi momu muku likhi chunike kumoe,

Apostolmi 7:39

Ni puasüqo no pa gholuni ke pulomo no pa kopheve, eno pano mlo ye Egypt lou idewove.

JOSHUA 7:13

Ithulo, timiqo shikimthe no pilo, ‘Thoghiu ghenguno nongu ampi kishekimtheve lo; kughengu Ampeu Israel Lhou no ishi piani, “Nongu gholo kütsave lopi keu nhemghaqo ani, O Israel. Nongu no anhemgha tipaqo ikhive moke kutolo nongu ye aghümi zülo puthugho lumo nani”

XAKUTHAMI 21:2

Israelmi no Bethel lo wuno Alhou zülo avela kutolo ngove; panongu no ighamku anhezü piji qa,