AKIKIHI 10:9 - Sumi Naga CL (Re-edited) Bible (BSI)

⁹ No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

BAIBEL (BSI)

⁹ Nonguno noyeghilo aghu shi akelo afuko hipaqo ighano aghulo wuno noghumi nongu le ighi akeqo mujo chileno nolikhi no susholo pi akeu michike. Ni AMPEU nongu Lhou no nongu kuphuni eno nongu ghumi launo nongu xaluni.

AKIKIHI 10:9 Iomraidhean Croise

BOTHUBO 8:1

Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

YEKIKITHI AKINIU 13:14

Kughou Judahmi no ju keno, ghüshimi no pano züu eno athiu aghive. Panongu no Ampeu lau ighamku eno achinemi no afuko igha.

LESHELE 106:4

Kughou Nono Ow timiqo lau Ow kikimiye piyeni keno I kümsülu lo, O Ampeu; Kughou Nono panongu xaluni keno, I kuphu tsülo,

LESHELE 106:42

Pano ghümi no pano qodaqhi, eno panongu pesü pano küka qholo qhive.

LESHELE 136:23

Ningu no anguküsa sholu kelo Pa no ni kümsülue, kughengu Paw iqemokeu kikimiye ye alholo acheni;

ISAIAH 18:3

Nongu ayeghiqha lo xüküamiqo, kughou naghuto lo amchipu süqheni keno, jukuto lo! Afuko küigha kelo chiluve lo!

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 4:21

Khitohi ni ye michiphi ithulu eno afuko ghügha chiluni kea?

JEREMIYA 4:5

Judah lo asheshu lo, eno Jerusalem lo pikülha lo, “Ayeghi kümtsü lo afuko ighalo, ighamku pilo, ‘Kumqolo, ningu aliwo kumto mishighüna lo iloni!’

JEREMIYA 49:2

Ikehu Ampeu no sheshu, julo, I no Ammonmiw Rabbah shou aghüle kuni keu tsala cheni; ti ye kütsalepe amoqheve nani; tile aphuqo ye pitileve nani; tithiu Israel no khunono pano le keno tipaqo leluve nani, ipi Ampeu no piani.

JEREMIYA 6:1

Itshükulupu shi polo, O Benjamin timiqo, Jerusalem lono polulo! Tekoa lo afuko küigha lo, Beth-haccherem lo amchipu peqhelo, kughengu ahuu no kütsakungo kije eno amhekiqi ghawo cheni.

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

EZEKEL 7:14

“Panongu no afuko küigha eno thokha kümtsü kutove ke, ikemu khumu aghüshi lo wumoe, kughengu aloghu ye aqokitikhi kümtsü shou ikughivae.

HOSIYA 5:8

Gibeah lo akibo küighalo, Ramah lo afuko küighalo. Beth-aven lono kütüghülo; nino o papeni, O Benjamin!

ACHINE 23:24

“Israelmi pütsa no pilo, Aqhi akütsüniu atsala atüghüu lo akimchi kulhokiqhi tsala pinini, eno ti kümsükulu shi afuko ighani eno akimthe hoho shini.

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

ZEFANIA 1:16

aliwo kumto eno qhemghaike qoghe akeu mishighünaqo shou afuko igha eno aghüle kukeu tsalae.

AKIKIHI 31:6

Moses no ghüshimi hekütsülu keqo aghüshi lo puwuve, panoqo gholo achineu Eleazar nu Phinehas pelo akimthe-a lo abohu ngo kütüghü kepu afuko ishi pesü wupe.

1 Kor. 14:8

Afuko no mtsümishei keu ghügha tsümo aye, khuu no aghüshi ghenguno kutoni kea?

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

JOSHUA 6:5

Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”

XAKUTHAMI 10:12

Sidonmi ghi eno Amalekmi ngo Maonmi no nongu ghimeqhi kelo, nongu no I lau ighamku eno I no nongu xaphelue.

XAKUTHAMI 10:8

Tipa mpe lo panongu no Israelmi ghimeqhi. Eno Ampe chighitache kutolo panongu no Israelmi khunoqo Gilead ghakhu Jordan hechesü Amorimi ghakhu lo ache keno tipaqo nedaqoda ghimeqhi che.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

XAKUTHAMI 3:27

Kughou pa no Ephraim ghakhu toghi tolu keno afuko ighape Israelmi kütüghü. Tileno Israelmi no ato ghakhu lono pa gholo iqi, eno pa no panoqo sakipheu shive.

XAKUTHAMI 6:34

Ikemu Ampeu Ghungu no Gideon peitha luve, pa no afuko igha eno pa pape penike Abiezermi kütüghü.

XAKUTHAMI 6:9

I no Egyptmi u lono eno nongu qhasü kemi kümtsü launo nongu xaphe, eno nongu zülono panongu hapheve no pano yeghi pesü nongu tsüe.

SAMUEL ATUGHIU 10:18

Pa no Israelmi vilo pi, “Ampeu, Israel Lhou no ishi piani, ‘I no Egypt lono Israelmi saipeghi, Egyptmi eno kükaqha nongu kijipüsa chekemi u lono I no nongu sülekholu.’