AKIKIHI 10:10 - Sumi Naga CL (Re-edited) Bible (BSI)

¹⁰ Itaghi alhoaye lo tiqhetini eno aqhi kithe tiqhetini, nongu lokivi tsala hipaqo lo nongu no akipti kümllagho eno külakishi kümllagho tsükeu gholono afukoqo ighani. Tileno nongu Lhou no nongu kümsülu nani: Ni ye Ampeu nongu Lhou ke.”

BAIBEL (BSI)

¹⁰ Itaghi nonguno aqhi kithe lokivi pinye qolo eno nongu chine pinye kutau qolo pitikepu gho sughikelo eno kuposhukulu gho sughi kelo nonguw afukoqo ighalo. Tishi aye ino nongu kuphuni. Niye nongu Lhou AMPEU ke.

AKIKIHI 10:10 Iomraidhean Croise

KUKAMI AKINIU 4:23

Li kimi no pi, “No ye kushiye ishi no pa lau wu masa kepu shive kea? Ishi ye Sabbath momu aqhi kithe pine kumoe.” Li no khochile, “Kumu kumoe.”

YEKIKITHI ATUGHIU 15:24

Shebaniah, Joshaphat, Nethanel, Amasai, Zechariah, Benaiah, eno Eliezer, achinemi hipaqo no Alhouw Puloshoqhi Bohu zülono afuko küighani keu shi. Obed-edom ngo Jehiah pama ghi Puloshoqhi Bohu khemi shipe.

YEKIKITHI ATUGHIU 15:28

Hitoi shino Israelmi kümtsü no iqhaighu akibo, afuko, küghapayi, aheo, eno küghaküsü lebo ghügha gholono ale phesü Ampeuw Puloshoqhi Bohu peighi luve.

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI AKINIU 29:26

Levimi no David lebo peluve, eno achinemi no afuko peluve no puthughove.

YEKIKITHI AKINIU 29:28

Ahohomi kümtsü no Alhou mlla, eno alephemi no ale phe no afuko kipemi no afuko igha. Akipti kümlla no tave moke kutolo tishi ae.

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

EZRA 3:10

Kughou akümlami no Ampeu chineki boqha qhaluve keno, achinemi no panongu phimini pepuve no afuko pesü azüu ipeghi, eno Levimi Asaph nuliqo no küghapayi pesü Israel kükau David mijekütsü kiqi lono Ampeu sheqheni ke ighive.

NEHEMIA 12:35

afuko kipemi achinemi nu hipaqo: Asaph nu, Zaccur nu, Micaiah nu, Mattaniah nu, Shemaiah nu, Jonathan nu Zechariah,

LESHELE 150:3

Afuko pesü Pa sheqhelo; akighilebo ngo küghaküsü lebo pesü Pa sheqhelo!

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

LESHELE 81:4

Kughengu hi ye Israel ghenguno akhuaye ke, Jacob Lhouw pimheye ke.

LESHELE 89:15

Khunono O gi küvü lo checheni, eno tiqhetini lokivi ghügha ithi ani keno pano lokivipue,

IPEKULU 28:29

Ikehu kughou Aaron no Akimthe-a lo iloni keno, pa ye Ampeu zülo kümsükulu apenike pa mlo phivilo küghakütha mlaküxa xapu akeu lo Israel nuliqo je yepüakeu xapuni.

IPEKULU 30:16

Israelmi launo axine pevekütsü pisa luni eno ti ye kuposhukulu phiki kümlapu ghenguno tsüveni, tishino tipau no Ampeu zülo Israelmi kümsüchilelu keu shi nani, tishikeu lono nongu küxü shikimthe lunani.”

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ACHINE 23:24

“Israelmi pütsa no pilo, Aqhi akütsüniu atsala atüghüu lo akimchi kulhokiqhi tsala pinini, eno ti kümsükulu shi afuko ighani eno akimthe hoho shini.

AKIKIHI 10:9

No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

AKIKIHI 28:11

Aqhi bothu lo Ampeu lau akipti kümllagho hitoi tsülo: tukutiye kühakeu mishitsü kini, anetsü lakhi, ampe lakhi mbetsü tsüni;

AKIKIHI 29:1

“Aqhi akütsüniu atsala atüghüni nongu ye akimtheshi kuho kumqo lo, eno kiu kümla mu shimoni. Ti ye nongu no afuko küighani keu tsala ke,

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

Apostolmi 10:4

Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

1 Kor. 15:52

pai anhekütsü khavi, afuko ashekhau igha kemtsa ningu kümtsü kilive nani. Kughengu afuko igha nani, kithimi pesü thi kithemo kepushi xüputhuve nani, eno ningu ye kilive nani.

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

1 Thes. 4:18

Tighenguno atsa hipaqo pesü lakhino lakhi lokughuno tsülo.

JOSHUA 4:7

nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”

JOSHUA 6:4

Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

SAMUEL ATUGHIU 20:5

David no pi, “Julo, thoghiu ye aqhi kithe pine eno ni ye akükau gholo aghulhu lakhü lo iqa masa nani. Ikemu I pelo wuve pelo, ni ye aküthüni avela kutolo aluza lo itshüveni.