AKIKIHI 1:46 - Sumi Naga CL (Re-edited) Bible (BSI)

⁴⁶ aje yesülu kemi kümtsü küqha kelo lakh tsügho qhethonhe küthü aqhe pungu no lhopungu.

AKIKIHI 1:46 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 17:6

I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

SAMUEL AKINIU 24:9

Eno Joab no aqo lono hitoi timi kihipe akükau tsü: Israel lo aghütomi azütakikihi kipemi lakh tache, eno Judah lono lakh pungu.

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

YEKIKITHI ATUGHIU 21:5

Pa no hitoi timi kihikülai pe David pithi, Israel qha kümtsü lo azütakikihi pekithimi no pano lakh chighiqhaqhi, eno Judah lono pano lakh bidi qhethonhe lhotsüni.

YEKIKITHI AKINIU 13:3

Abijah no aghütomi lakh bidi sasü aghüshi lo wu. Eno Jeroboam no aghütomi kishekiphe lakh tache sasü kithepe ngoluve.

IPEKULU 12:37

Israelmi no Rameses lono Succoth kutolo chewuve, totimi ngo itimi kihisü mono timi lakh tsügho apukhu lono wue.

IPEKULU 38:26

Khunoqo je yekükütsü kaku lo akeno, ti ye ampe muku nguno kunguu, panongu lakhikhi no gram pungu tüxa tsü (ti ye achineki lo kimghi kiqi lo shekel tüxa qhemi), aqolo kiptimi lakh tsügho qhethonhe küthü aqhe pungu no lhopungu.

AKIKIHI 1:45

Ikehu Israelmi pütüta limi kiqi lono kiptimi ampe muku nguno kunguu aghüshi lo wuluni kemi thaqhü

AKIKIHI 11:21

Ikemu Moses no pi, “I gholo timi pano lakh tsügho checheni püzü No ye, ‘Panongu pelo aqhi kupuju ashi chu penike I tsüni,’ ipi ani nolae!

AKIKIHI 14:29

nongu gholo ampe muku nguno kunguu kihiküsü lo akemi khunoqo no I shou muchho keno, kümtsü hipau sayeqha lono ikiqi thive nani,

AKIKIHI 2:32

Hipaqo no Israelmi pütüta limi kiqi lono aje yekütsülu keqoke, aloji kiqi lono kümtsü küqha kelo pano lakh tsügho qhethonhe küthü aqhe pungu no lhopungu.

AKIKIHI 23:10

Khuu no Jacob yeghimkhu kihilu momu kikije abidiu kihi luni kea? I pelo amikuchomi kithi thilu pelo, eno I shekuho ye pano toilu pelo!”

AKIKIHI 26:51

Israelmi kümtsü kihi kelo lakh tsügho qhethonhe lakhi aqhe tsüni no shighi.

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.