AHOLE 8:17 - Sumi Naga CL (Re-edited) Bible (BSI)

¹⁷ Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

BAIBEL (BSI)

¹⁷ Khunono ikimiye cheni keno ino tipaqo kimiye, khunono iphu cheni keno iphulu nani.

AHOLE 8:17 Iomraidhean Croise

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

AHOLE 1:28

Tishino panoqo no I ku nani, ikemu I no ini tsümo nani, panongu no müamzü I phu nani kemu phulumo nani.

AHOLE 2:4

nono ghükayi momu küsü püakeu kinibo phuche keshi phuju aye,

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

AHOLE 4:6

Alokütsü no o sache nani ke li pheve kevilo, li no o khe ananike li kimiyelo.

AHOLE 8:16

sakiphemi eno xaküthami achipi lono ayepe chekemi kümtsü I vecheo tishilu cheni.

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

ALE KIMCHI 3:4

I no panongu veche kithishi pa phulue. I no pa valuve no pa sasü I zano kilo I punuu chebo lo ilo moke kutolo pa phevemoe.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

Mark 10:14

Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

John 5:4

Kughengu ado adolo kungumi no ayizükucho lo iqi azü xukutho tsüche: azü xukuthove kethiu khukhumu atüghüshi ilolu keu ye pa no kiukiu küsü aghimu viluve che.

John 7:37

Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

1 John 4:19

Ningu no kimiye kile chekeu ye Alhou paghino ningu kimiye kehue.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.