AHOLE 4:4 - Sumi Naga CL (Re-edited) Bible (BSI)

⁴ I pu no I shika eno I vilo piche, “O mlo lo I tsaqo tsatsai süpulo; I zakütsü pape no aküxüpu qelulo.

BAIBEL (BSI)

⁴ ipuhno ishika che. Pano ishi piche, “Ino kiu pikeno kumsupulo eno khilemu tipau kumsuma kevilo. Ino ovilo pikeu toi shilo eno noye xulu nani.

AHOLE 4:4 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:144

O kükütsü ye alholo lo achipi; vethakulu I tsü lo tishiaye ni ye xülu nani.

LESHELE 119:168

I no O zakütsü eno O kükütsüqo pape cheni kughengu I laghi kümtsü O zülo ani.

AHOLE 22:6

Achipiu laghi lono atianuli qophe puthulo, pa ye kichimi shive namu tipau lono tsüghüsü wuvemo nani.

AHOLE 23:26

I nu, o mlo I tsülo, eno o nhethi no I no xüchekeu laghi chheju lo.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

AHOLE 3:2

kughengu tipaqo no o küxü lo atsala, ampe kutomo eno aloino keu küphatsü nani.

AHOLE 7:2

I zakütsü pape no aküxüpu qelulo; I kükütsütsa pesü o nhethi lo ijukeu thime toi qhilo;

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

JEREMIYA 38:20

Jeremiah no pi, “O pesü panongu tsümo nani, I no kiu o vilo pi ani keno itehi Ampeu tsa lulo, tishiaye o ghenguno akivipu shinani eno o küxü ghülu nani.

John 12:50

I no ithi akeu no Pa no azah tsükeu ye lhokta küxü ke. Tighenguno I no kiu pi keno, ti ye Apu no I vilo pikeu ke.”

Ephesiami 6:4

Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 6:6

Ishi tsala lo I no azah hi o tsü akeqo o mlo lo qhilu lo.

2 Tim. 1:5

Ni ye o mlo tsüqhiyi keu küpülü kümsülu acheni, khikhi atüghüshi o püza Lois ngo o za Eunice pama gholo ache keno, eno itehi ye, o lolo aküpülü tipau ani kepi, I no pülü ani.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

XAKUTHAMI 13:12

Manoah no pi, “Tishiaye, kughou nono pikeu tsa shikupuni keno, anu ye kiu gholau no xümasa eno pa kümlapu ye kiu shinani kea?”