AHOLE 30:10 - Sumi Naga CL (Re-edited) Bible (BSI)

¹⁰ Khilemu aqeu ghili pesü pa mpeu vilo pi kevilo, tikumo aye pau no o ghushove no akipimi o tsü nosake.

BAIBEL (BSI)

¹⁰ Khilemu aqeu mipeu vilo aqeu lhoksa pitsu kevilo. Noye angsu shive nani eno tipau ghime sholuve nanike.

AHOLE 30:10 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

AHOLE 11:26

Athi hekütsüpe qhive kemi ye timi no ghusho cheni, ikemu kükümgha tsa ye jetsü kemi shou ikughi cheni.

AHOLE 28:27

Kumlhomi tsü chekemi ye püqüve mo nani ikemu anhethi miyi luve chekemi ye timi kutomo no ghusho nani.

YETSAPIU 7:21

Timi no pikeu tsa kümtsü amlo lo süpu kevilo, tikumo aye o qeu no o ghusho keu nono chilu niae.

DANIEL 6:13

Tileno panongu no khochile no akükau zülono pi, “Daniel, khuu Judah lono haphe sawuve kemi keno, pa ye o lau, momu nono jemchi shive keu yezah lo amlo tsüqhiyi amoe, O akükau, ikemu pa ye atsala lo ghuthu küthü inikhu ani.”

DANIEL 6:24

Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

Rommi 14:4

No ye khuue pi kütami qeu shou küghathabeni kea? Pa no achipishi aghina monamu pa mpeu likhino pi nani. Eno pa ye Ampeu no kuphutsü keu lono puthugholu nani.

ZAKINIU 15:9

Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

ZAKINIU 23:15

“Aqemi lakhi no pa mpeu launo pove no o lau ighi kelo, nongu ye pa mpeu tsüchile moni.

SAMUEL ATUGHIU 24:9

Eno Saul vilo pi, “Kushiye o vilo, ‘Julo, David ye o ghüza niye phucheni,’ ipikeu tsa ini cheni kea?

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

SAMUEL ATUGHIU 30:15

David no pa vilo pi, “I sasü leighi keqo lau wuni kema?” Pa no pi, “No ye I pithimo momu I mpeu u lo I süve tsümoe pi Alhou zülono I vilo ashoqhi shilo, eno I no o sasü leighi keqo lau wuni.”