AHOLE 3:5 - Sumi Naga CL (Re-edited) Bible (BSI)

⁵ O mlo kuchopu pesü Ampeu pükhüni thono ow vethakulu shou mungube kevilo.

BAIBEL (BSI)

⁵ Omlo kuchopu pesu AMPEU pukhulo, Nono ithi akeu shou bepe xukevilo.

AHOLE 3:5 Iomraidhean Croise

EZRA 8:23

Tighenguno ningu no hipau ghenguno kümvü eno ni Lhou vilo qhüiniju, eno nino khukeu Pa no chilu tsü.

JOB 13:15

Pa no I ghiqhive kepu shinamu ni ye Pa laju anani; tishimu ni ye I sheamzü tsa pesü Pa zülo wuni aphie.

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

LESHELE 37:5

Ampeu lau O laghi kulhuqhi tsülo; Pa shou pükhü lo, eno Pa no mlatsü nani.

LESHELE 37:7

Ampeu zülo iqünhei lo eno kheakulu shi Pa ngokhe lo; khuu no kixikila kümla shino pa laghi lo kinikülü shi ani keno pa jupe kütakihi kevilo!

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

AHOLE 22:19

Tishianguno o küpkhü kümtsü pesü Ampeu shou belu nani, I no hipaqo pesü ishi ghi o vilo pive ani.

AHOLE 23:4

Küakini phuniye akumou shi o küxü pepuzüve no kulhokugho shimoni ke alotsülo.

AHOLE 28:26

Alikhi akükümsü shou pükhübe chekemi ye mbomzüe, ikemu alokütsü lono cheche kemi ye xaphe luve nani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

AKIKIHI 9:20

Khaniloye khüngküsü no atsala hami likhi ache, eno Ampeu zakütsü lono panongu no aghazü lo ngove no itaghi iqewuve che.

AKIKIHI 9:22

Atsala kini, momu aqhi ampe kutolo mu khüngküsü no Aphiki shou ake tivilo panongu ye itha mono ngoveche, eno tino ikuve kethiuno wuche.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.