AHOLE 3:24 - Sumi Naga CL (Re-edited) Bible (BSI)

²⁴ Nono akulhoqhi anamu msamo, eno zü akelo aloinoqhiyi nani.

BAIBEL (BSI)

²⁴ Nono azualo zuakelo ghi noye musamo nani eno noye putholo zucheyi zuhulu nani.

AHOLE 3:24 Iomraidhean Croise

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

JOB 11:19

Khumu o shikümsa mono no ye zühulu nani eno kutomo no o kukuphu laju ighi nani.

LESHELE 112:8

Pa no pa ghümi shou tokulu shikeu ithulu moke kutolo pa ye iqüghai cheni; pa ye msave chemoe.

LESHELE 127:2

Nono inaqhe itheno ithuve eno munu akulhoqhi no ghichheghime shi mlakeu lono chusho akeu ye adou ke; kughengu Pa no qhuivü kemi pelo zühu lupe cheni.

LESHELE 3:5

I no iqi ihozü no zühuve; eno itaghi ithughive, kughengu Ampeu no I püxütsüe.

LESHELE 3:6

Timi qhethonhe no I sühope I lachile akeqo ni ye msamo nani.

LESHELE 4:8

Ni ye aloino qhiyi ihozü no zühulu nani; kughengu, O Ampeu, O likhi no I pelo sükusho lono xülupe cheni.

LESHELE 91:5

No ye putho lo kichiqhi keu, momu puchou apiji kapuwo keu msavemo nani,

AHOLE 1:33

ikemu khunono I tsa chiluni keno aküxü lo sükusho anani eno küsakusho kümsapu kühano iqüghai nani.”

AHOLE 19:23

Ampeu sükümsa no aküxüpu lo sawu cheni, ti akemi ye aloqiqhiyi kiunomu shipüsamla no akulhoqhilu cheni.

AHOLE 6:22

Nono o küxü ghüzüla lo chewu kelo tipaqo no o sache nani, putho lo o jukuto nani eno puchou o kütsüpiye nani.

YETSAPIU 5:12

Akümlau ye aghulo chuna kutomo chunamu akivishi zühulu cheni, ikemu kinimi ye akive chhitoi chupusü zühulu chemoe.

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

JEREMIYA 31:26

Ikelo I no idathughi no jukelo I ni ye aloponyi züuve aghi.

EZEKEL 34:15

Ni ampi no I mbeqo kheu shinani, I no panoqo pelo ihozüpe nani, ipi Ampeu Alhou no asheshu.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 34:27

Aluza lo asüboqo no axathi pithi nani, ayeghi no ikoishe athi pithi nani, eno panongu ye pano yeghi lo sükusho lono anani. Kughou I no panow kuokhasü hephove eno panoqo qhasüpe akemi u lono xaphe luni keno panongu no Ni ye Ampeu kepi ithi nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

Apostolmi 12:6

Kughou Herod no pa saipeghi niye kughu akeno, tipaji Peter ye ayikichhe kini no pa tshüpe aghukhemi kini dolo züa, eno akughuki hukikha lo aghukhemi no kheae.