AHOLE 29:2 - Sumi Naga CL (Re-edited) Bible (BSI)

² Amikuchomi no alau ikowo aye timi no alokivishi cheni, ikemu kixikilami no ayepe aye timi no muchho thuve cheni.

BAIBEL (BSI)

² Amikuchomi yehkipemi ipiyelo eno alokivishi akemiqo ino opiyenike. Kixikilami yehkipemi ipiyelo eno amloksamiqo ino opiyenike.

AHOLE 29:2 Iomraidhean Croise

ESTHER 3:15

Aghinimi no mtazü akükau yezah pewu, eno xaküthaza ye Susa lo kükaki lono puwu. Akükau ngo Haman pama ye iqa no aji sho akemu Susa mishighüna ye mamaive.

ESTHER 8:15

Tishino Mordecai no akükau zülono atsüla ngo metsüghoi keu kükaphi, ameshoyi kütsükuqho kije, phephei eno hughai keu chijeboike phi pepusü wuve, eno Susa mishighüna lo akemi no ighamku alovie.

JOB 34:30

Ikehu Alhou kümthami ye ayepelu pemo niye ke, tikumo aye pa no timi müsü sawuve nosake.

AHOLE 11:10

Amikuchomi no akivishi aye aphughi no alovi cheni, eno kixikilami no thive aye tile alokivi ghügha ipeghi cheni.

AHOLE 28:12

Amikuchomi no ayepe kelo ahukülü kütsasa shicheni, ikemu kixikilami no ikughive aye timiqo ye itshüuve cheni.

AHOLE 28:15

Abongshuu yiküsa no igha momu ava no hache ketoi kixikila yepemi no kumlhomi shou qhasüpe cheni.

AHOLE 28:28

Kixikilami no ayepeuve aye timiqo no itshüuve cheni, ikemu tipaqo no ikiqive aye amikuchomi no ikowo cheni.

YETSAPIU 10:5

Alhoksa lakhi ayeghi lo I no ithulu püani, yepemi no küqüve keu:

YETSAPIU 10:6

mbomzümi pesü akuchuqu-a kutomo lo qhive no kinimi pesü akuchuni-a lo qhive.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

MATTHEW 2:3

Kughou akükau Herod no hi chilu keno, Jerusalem aqha no pa gholo küqhano amlosave;

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”