AHOLE 24:12 - Sumi Naga CL (Re-edited) Bible (BSI)

¹² “Ningu ye hipa vehu mthae,” ipi nongu no pi aghi namu, amlo huju chekeu huye pimhelu anike kumo? O küxü jukuto chekeu no ithi ani eno Pa no timi lakhi kümla kiqi lono tsüchile nanike kumo?

BAIBEL (BSI)

¹² Tiye okumla kumokepi nono piaghiluvi ikemu omlolo puakeu Alhou no ithi eno tipau shou kughatha nani. Pano okheju acheni, pano ithi anike, eno nono kiu shikeno tipau qhemi asaxu otsu nani.

AHOLE 24:12 Iomraidhean Croise

JOB 34:11

Kughengu milakhi kümla kiqi lono Pa no tsüchile nani; eno pa küxü laghi kiqi lono Pa no ajume tsünani.

LESHELE 121:3

Pa ye o pukhu pelo ithave pemo nani; Khuu O hiju cheni keno Pa ye zühuve chemoe.

LESHELE 121:8

Itehi no huthusü pülhapuju lo Ampeu no ow ikipe ikulo kümtsü lo o süsho nani.

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

LESHELE 66:9

Pa no ni ngulho pesü küxümi gholo qhitsü eno ni pukhu ye nepiyeve moe.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

LESHELE 94:9

Pa no akini mlasü tsüke, Pa ye chilu moveni keshea? Pa no anhethi mlasü tsüke, Pa ye ithulu moveni keshea?

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

AHOLE 16:2

Khami ye pau no achipie pi pa lolo kümsü acheni, ikemu Ampeu no pa kükümsü huju cheni.

AHOLE 21:2

Kümtsü no pau no achipie pi kümsü cheni, ikemu Ampeu no amlo huju cheni.

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

AKUMLO 3:36

milakhi tsa kükügha süchighi keu ye Ampeu no pulomoe.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

Apostolmi 17:28

kughengu “‘Pa gholono ningu ye xülu, ithalu eno ampi anie’; nonguw leshe kiyemi khami ghi pi püani, “‘Kughengu ningu ye Pa tikughukomi ke.’

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:6

Pütüta no mla püaghi keu kiqi lono Alhou no ajume tsü nani;

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.

SAMUEL ATUGHIU 25:29

Tsala timiqo no o haqhi eno o küxü phuniye shi aye, Ampeu o Lhou no tucho ache keu lono I mpeu küxü ye küxümi gholo küqhape qhitsü nani. Eno o ghümi küxü ye Pa no hevüla kighi lono kihive nani.