AHOLE 22:4 - Sumi Naga CL (Re-edited) Bible (BSI)

⁴ Aqhokigheu eno Ampeu sükümsa saxü ye küakini, agigihu eno axükushu.

BAIBEL (BSI)

⁴ AMPEU gholulo, aqhokighemi shilo eno noye akini, agigihu eno axu kushu ithulu nani.

AHOLE 22:4 Iomraidhean Croise

AHOLE 19:23

Ampeu sükümsa no aküxüpu lo sawu cheni, ti akemi ye aloqiqhiyi kiunomu shipüsamla no akulhoqhilu cheni.

AHOLE 21:20

Akughupu thime ngo thazü ye alokütsümi kilo acheni, ikemu mbomzümi ye tipaqo kishi chuve cheni.

AHOLE 21:21

Khunono achipiu mikucho eno kimiyeqhiyi keu phucheni keno aküxü kivi eno agigihupu phulu nani.

AHOLE 22:3

Lotsü-loghümi ye akümsapu chekeu ithulu no itshüve cheni, ikemu itikütüpa kemi ye vejoi ilo imeve cheni.

AHOLE 22:5

Chighichilai kemi laghi lo asahu eno alichhe acheni, aküxü jukuto xüche kemi ye tipau lono putosülu nani.

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

AHOLE 3:16

Axükushu ye li u ajeu ani; eno kinikülü ngo agigihupu no li u piyiu ani.

AHOLE 31:30

Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

DANIEL 4:36

I kükümsü I lau idechile ighive kemtsa I kükaqha juküvü ghenguno I kükanguagha ngo ajekipi I lau idechile ighive. I qholo mijekütsümi ngo ampemi no I phuighive no I kükaqha lo I süqheve, eno itaghi ajekipi alau I lau küphatsüe.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

1 Tim. 4:8

Aphimpi qokiphe lo ame hami acheni aye, Alhou lau amlo tsükeu ye ala kümtsü ame ani, kughengu tino hipa yeghi lo küxü eno ighini keu küxü ghengu ghi piqhi püatsü anie.

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”