AHOLE 22:18 - Sumi Naga CL (Re-edited) Bible (BSI)

¹⁸ kughengu nono tipaqo pesü o lolo qhilu, ti kümtsü o kichi lo kutope qhilu aye, o lokiqipu shi nani.

BAIBEL (BSI)

¹⁸ eno nono tipaqo kumsulu puzu mlokite lono tipaqo piluaye noye amlokiqi shi nani.

AHOLE 22:18 Iomraidhean Croise

LESHELE 119:103

O tsa ye I ghenguno kishita jumghai kela! I kichi lo akhingozü nguno ngonyi ke.

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

LESHELE 119:13

O kichi lono pimheye tsükeu kümtsü I no sheshuni.

LESHELE 119:162

Milakhi no aghüshi lono halelu keu ithulu akeshi, ni ye O tsa lo alokivi shi cheni.

LESHELE 119:171

I kichi lono O sheqheni, kughengu Nono O yezahqo I shika ke.

LESHELE 19:10

Ameshoyi nguno alau, ameshoyi kütsüghü nguno alau tipaqou lunishi qhiyi kepue; akhingozü eno akhilha lono ijiqighi keu nguno alau akungoue.

AHOLE 10:13

Alokütsü tsa ye vethakulumi kichi lo acheni, ikemu kümsükulu küha kemi ghenguno aqheküsü ani.

AHOLE 10:21

Amikuchomi tsapi no timi kutomo lojilu cheni, ikemu mbomzümi ye kümsükulu küha kehu thive cheni.

AHOLE 15:7

Alokütsümi kichi lono akighithi veküphalu cheni thono mbomzümi mlo lono kumoe.

AHOLE 16:21

Alokütsümi vilo kimchikulupu kighithi akemi ipi cheni, atsapi lo jumghai keu no alau timi züizalu cheni.

AHOLE 2:10

kughengu alokütsü no o mlo lo iloghi nani, eno akighithi no o küxü lo alokiqipu tsü nani;

AHOLE 22:19

Tishianguno o küpkhü kümtsü pesü Ampeu shou belu nani, I no hipaqo pesü ishi ghi o vilo pive ani.

AHOLE 25:11

Ado kiqi lono atsa achipiu pilu keu ye ameshoyi akiviu pesü ghükayi shou ananu shipuku püake toi nani.

AHOLE 3:17

Li laghi ye alokiqipu laghi eno li laghi kümtsü iqüghai ke likhie.

AHOLE 4:20

I nu, I tsa lo amlo tsüqhiyi lo; o kini kughope I kipitsa inilo.

AHOLE 4:21

Ti ye o launo povepe kevilo; ikemu o mlo alou qhilulo.

AHOLE 8:6

Inilo, kughengu ni ye ajilo kiyighi tsa pini cheni, eno kiu no achipi keno I kichi lono pini cheni,

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

John 7:38

Khunono I pülüni keno, Kuchoyesü no pike toi, ‘Pa mlo lono aküxüpu zü qoipeghi nani.’”

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.