AHOLE 21:27 - Sumi Naga CL (Re-edited) Bible (BSI)

²⁷ Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

BAIBEL (BSI)

²⁷ Kughou kixikilamino alhoksa kimiji lono aghashipe mllani keno AMPEU ye tipau mithi cheni.

AHOLE 21:27 Iomraidhean Croise

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

AHOLE 7:14

“Ni ye aghakishi kümllagho tsünikeu shi ake ishi no tsüve no tipau shi pewo püani;

YETSAPIU 5:1

Achineki lo wu kelo kutokupui shilo. Tile shika luniye wu keu no mbomzümi ghakishi nguno akiviue, kughengu panongu ye axine shi anie pi mthae.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

AKIKIHI 16:15

Moses ye agha ideve eno Ampeu vilo pi, “Timi hipaqo kümllagho ikhilutsü kevilo. Ni ye panoqow khurha lakhimu lumphie momu lakhimu ghüza mphie.”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.