AHOLE 2:6 - Sumi Naga CL (Re-edited) Bible (BSI)

⁶ Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

BAIBEL (BSI)

⁶ Kughengu AMPEU no alokutsu tsucheni eno pa kichi no akighithi ngo vethakulu ighi cheni.

AHOLE 2:6 Iomraidhean Croise

KUKAMI ATUGHIU 10:24

Ayeghi kümtsü lono Alhou no pa mlo lo sütsü keu lokütsü inini ke ighiche.

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

KUKAMI ATUGHIU 4:29

Alhou no alokütsü ngo vethakulu kimghimla kepushi Solomon tsü, eno azüghi mkülo asaye jehi akükümsü kuthoküzü pesü pa tsü,

YEKIKITHI ATUGHIU 22:12

Kütau nguno alau, Ampeu no alokütsü ngo vethakulu pesü o kümghatsü peni, tishianguno kughou nono Israel yepeu shini keno, o pelo Ampeu o Lhou yezah pelu penie.

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

NEHEMIA 7:5

Tithiu sakiphemi ngo hiyampemi eno timiqo kukütsü no pano lagha kughuko kiqi lono aje yekithi penike I Lhou no I lolo müzüsü tsü. Khunono atüghüu shi ideighi keno, tipaqo je yepüa keu kaku I no phulu, tile ishi yepüaghi:

JOB 12:13

“Alhou gholo alokütsü ngo akumto ani, Pa ye mijekütsü ngo vethakulu ghi ani.

JOB 12:16

Akükakumto ngo mtsümishei keu lokütsü ye Pa gholo ani; pishiqhive kemi ngo pishikiqhimi pamagha Paw ke.

JOB 22:22

Pa kichi lono kütsü-shika keu lulo eno o mlo lo Pa tsa qhilulo.

JOB 32:8

Ikemu timi lolo anguagha akeu, Akughushuu tuthu huno pa pelo ithikuthulu cheni peke.

LESHELE 119:104

O zakütsü vecheo ni ye vethakulu ithulue; tighenguno kichile laghi kümtsü I no mithi ke.

LESHELE 119:34

Vethakulu I tsülo, tishiaye ni ye O yezah pelu nani eno I mlo kümtsü no tipau papelu nani.

LESHELE 119:98

O zakütsü no I pelo I ghümi nguno alokütsüu shilupe, kughengu tipau ye alhokuthu I lolo acheni.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

LESHELE 19:8

Ampeu no shilo pikeu yezah ye achipi, amlo pelo alovi lupe cheni; Ampeu zakütsü ye mqhamqhi, anhethi shikütsüghü tsücheni;

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

LESHELE 94:10

Pa no shiyeqo ghime cheni, Pa ye panoqo sakiyi moveni keshea? Khuu no akighithi pesü timiqo shika cheni keno—

IPEKULU 31:3

eno I no mlakulupu küka, alokütsü, akighithi, eno kütshakügha gholo Alhou Ghungu pesü pa shepichhivae,

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.