AHOLE 19:29 - Sumi Naga CL (Re-edited) Bible (BSI)

²⁹ Thoküghami ghenguno aghime eno mbomzümi ghenguno akihepusü kuto püani.

BAIBEL (BSI)

²⁹ Alikhi apulupivi kemi kughuzumiye akihepusu ithuluni putsake.

AHOLE 19:29 Iomraidhean Croise

KUKAMI AKINIU 2:24

Pa no tsüghü ighi no panongu jupüzü Ampeu je lono ghushove. Ikelo avaqu kini no aghasa lono ipeghi no itimi pano lhobidi kini tsüve.

LESHELE 1:1

Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

AHOLE 1:26

nongu mhekiqi tsala lo niu ghi nongu junu nani; akümsapu no nongu shou ikughi kelo I no nongu thaigha nani,

AHOLE 10:13

Alokütsü tsa ye vethakulumi kichi lo acheni, ikemu kümsükulu küha kemi ghenguno aqheküsü ani.

AHOLE 17:10

Anikhami philo ghuthu aqhe piqi hepuku akeu nguno alau vethakulumi ye ghuthu khavi sakiyi kelono ithive cheni.

AHOLE 18:6

Mbomzümi mili no akikichighi lo sailove cheni eno pa tsapi no akihepusü kusü cheni.

AHOLE 26:3

Khurshi ngo khurha ghenguno akighikipili eno mbomzümi ghenguno akihepusü acheni.

AHOLE 3:34

Thoküghami lau Ampeu no thoküghapu piye cheni, ikemu aqhokighemi ye Pa no saphu cheni.

AHOLE 7:22

Amshitsü ghiqhini ye sawuche keshi momu alichhe lo ashu no jiqhiveni ye akeghi aqhu no ilhe ilove keshi, eno aghau no alichhe lo mtazü yeilove keshi apumi huye pa küxü pükave tsüniye akeu ithi mono paikhavi lono li pape wuve.

AHOLE 9:12

Nono alotsü aye o likhi o ghenguno ameküapu, nono küthakügha shi aye o likhi o makhoae.

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

ISAIAH 29:20

Kughengu ayiküsami ngo thoküghami eno alhoksa kughu chekemi qhoi kütsaleve nani,

ZAKINIU 25:2

küqüve keu ghaqhi nike küghaküthau no pa zülo timi tipau pelo ihozü peni, eno akipimi kiqi lono ghaqhini.

IBRIMI 12:6

Kughengu Ampeu ye Pa no kimiyekemi sakiyi qoputhu cheni, eno Pa no ikhilu akeu nuli hecheni.”