AHOLE 17:3 - Sumi Naga CL (Re-edited) Bible (BSI)

³ Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

BAIBEL (BSI)

³ Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

AHOLE 17:3 Iomraidhean Croise

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

JOB 28:1

“Mtsüqheino ghükayi khuki eno ameshoyi ghukimthe chekeu-a ani.

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

LESHELE 26:2

I phuju lo, O Ampeu, eno I pejulo; I mlo eno I kükümsü pejulo.

LESHELE 66:10

Kughengu, O Alhou, Nono ningu chhejuvae; ghükayi toi ningu shighuvae.

AHOLE 15:11

Kithigha ngo Kithimi yeghi ye Ampeu zülo khaqhi püani aye timi mlo ye kishi Pa zülo pekiphe shi acheni kelae!

AHOLE 16:2

Khami ye pau no achipie pi pa lolo kümsü acheni, ikemu Ampeu no pa kükümsü huju cheni.

AHOLE 17:2

Alokütsü qeu huno akukujopu süghi chekeu nu shou ayepeuve no athiküzümi gholo amheghi ighiuve cheni.

AHOLE 21:2

Kümtsü no pau no achipie pi kümsü cheni, ikemu Ampeu no amlo huju cheni.

AHOLE 27:21

Ameshoyi ngo ghükayi ghukimthe kepu ami kümgha acheni, timi ye akishekütsü ithulu keu kiqi lono peju nani.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

EZEKEL 22:18

“Timi nu, Israel laghami ye I zülo abaghu shivae; panoqo ye kümtsü ayi kiyiqibo miküqü lo alazayi, tinyi, ayi eno aküsayi toivae; panongu ye ghükayi baghu shivae.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZAKINIU 8:16

Pa no nongu peju no kuchuni eno ashekha lo akivipu shitsü niye asayeqha lono nongu puasüqo nomu mthakeu manna pesü nongu lojike.

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.