AHOLE 11:31 - Sumi Naga CL (Re-edited) Bible (BSI)

³¹ Ayeghi lono amikuchomi jume tsüchile cheghi keaye, kixikilami ngo axinemi ye khijeta ithulu nani kelae!

BAIBEL (BSI)

³¹ Akivi shichekemiye ayeghi hipau lono asaxu ithulu cheni ikemu kixikilami ngo axinemiye aghime sholuni putsae.

AHOLE 11:31 Iomraidhean Croise

SAMUEL AKINIU 22:21

“Ampeu no I chipiu mikucho kiqi lono I saphu; I mlo kimthe kiqi lono asaxü I tsü.

SAMUEL AKINIU 22:25

Ampeu no I chipiu mikucho, Pa zülo I no mithemithei keu kiqi lono asaxü I tsüe.

KUKAMI ATUGHIU 13:24

Pa no woche kelono abongshuu sasü kusholu no tino pa heqhive. Pa sükumo ye ala lo qhive, eno khurha ngo abongshuu küma no tipau phivilo puthugho ae.

AHOLE 12:1

Shikithekütsü kimiye kemi no akighithi kimiye cheni, ikemu sakiyi keu mithi chekemi ye anikha ke.

AHOLE 13:21

Küsakusho no axinemi pape cheni, ikemu amikuchomi ye thime kivi pesü pa saxü shitsü cheni.

AHOLE 26:10

Mbomzümi momu shokümzümi piqepe akümla shikeu ye asüzü kipemi no timi kümtsü ghüza aketoi ke.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

EZEKEL 44:10

Ikemu Israelmi no lavela lo wuve kelo Levimi khunono I launo putosüve no ajulhoqo pape wuve keno, panongu ye aghime xapu nani.

HOSIYA 4:9

Ikehu timi ghi achineu ghi atho; panow hekibide ghenguno I no panongu ghime nani eno pano kümla ghenguno I no panongu tsüchile nani.