AHOLE 10:18 - Sumi Naga CL (Re-edited) Bible (BSI)

¹⁸ Kimthi kimxi keu küsüve aye pa ye akimki mili xapu ani, khukhumu xikishi tsa pichekeu ye anikhae.

BAIBEL (BSI)

¹⁸ Khunono pa mlolo mithichekeu susuni keno paye kimkimike. Khunono axikishi pekulha cheni keno panoye anikhake.

AHOLE 10:18 Iomraidhean Croise

SAMUEL AKINIU 3:27

Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

LESHELE 12:2

Kümtsü no pa kisüghüu lau akimki tsa pie; amili shobapu eno amlo kini xapusü atsa picheni.

LESHELE 15:3

khunono pa mili pesü timi pipüsa chemo eno pa kisüghüu lau alhoksa shi chemo, momu pa küsau thogha chemo keno;

LESHELE 5:9

Kughengu panoqo kichi lo kuchou kühae; pano lolo shiküpsapu likhie; pano kughoki ye akumoki lhaphe püakeu ke; pano mili no akimki picheni.

LESHELE 50:20

Nono iqa no o thiküzüu külakeu tsa pike; nono o thiküzüu ghi pipüthae.

LESHELE 55:21

Pa tsapi ye akichhizütha toi müdüniyi, ikemu aghükishi no pa mlo lo ani; pa tsa ye thazü nguno mtshaminhei, ikemu panongu ye azütakikihi xajope ani.

IPEKULU 23:1

“No ye alatsa veküpha moni. No ye akimki thopi shiniye kixikilami sasü au kumsho moni.

JEREMIYA 6:28

Panongu kümtsü kuthovi ghi hebide chekemi, kühakügha shi itsü cheni, panongu ye alazayi eno ayi; kümtsü küsakügha shikemi.

JEREMIYA 9:4

Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

ACHINE 19:16

Now timi gholo akimki tsa veküpha wumoni, timi lakhino pa küxü ghenguno atsakügha akelo pa lachile moni: Ni ye Ampeu ke.

SAMUEL ATUGHIU 18:29

pa ye itaghi alau David msave. Ikehu pa ye alhokuthu David ghümi shi acheuve.