ACHINE 9:3 - Sumi Naga CL (Re-edited) Bible (BSI)

³ Eno Israelmi vilo pilo, ‘Axine kümllagho ghenguno anetsü lakhi, akipti kümllagho ghenguno amshiti ngo ambeti süghilo, kinikujo ampe lakhikhi eno tukutiye kühakeu,

BAIBEL (BSI)

³ Tishieno Israilmi vilo axine kumllagho ghenguno anetsu lakhi eno piti kumllagho ghenguno bheriti lakhi eno amshiti lakhi tukutiye kuhakeu ampe lakhi khi shiakeu,

ACHINE 9:3 Iomraidhean Croise

BOTHUBO 37:31

Tile panongu no Josephw chijeboike phi pesü ane lakhi ghiqhi no aji lono tipau pütsüve.

EZRA 10:19

Panongu no pano nipuqo pheveni pi tushoqhi eno pimive ke ghenguno akipimi kümllagho shi anetsü pesü mlla.

EZRA 6:17

Alhou ki hipau ikhiphetsü kelo panongu no amshitsü 100, anetsü 200, ambe 400 pesü mlla, eno Israelmi kümtsü ghenguno axine kümllagho shi anetsü 12 mllae, ti ye Israel shiaye kiqi lono ke.

IPEKULU 12:5

Nongu mbe ye atsü, ampe lakhi tukutiye küha keu shilo. Nongu no ambe momu ane loji lono kishelu nani,

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ACHINE 10:16

Moses no axine kümllagho ghenguno ane vehu ighiju kelaye ti ye pitive aghi! Ikehu pa no Aaron nuli Eleazar ngo Ithamar pama ju amlo ideve no pi,

ACHINE 12:6

“Kughou tipa tsala kupuni keno, kiptimi na totimi namu li no punu püakeu ghenguno akipti kümllagho tsünike ampe lakhi mbe eno axine kümllagho ghenguno amiqhi momu aqhewo lakhi pesü kuposhukulu phiki kulaghi lo ighi no achineu tsüni.

ACHINE 14:10

“Atsala akütacheni pa no tukutiye kühakeu mbetsü kini, ampe lakhi mbequ lakhi, ashomkhu thazü pesü kunuve keu ahu küthü, eno thazü ajukhu lakhi süghini.

ACHINE 16:15

“Tishino pa no timiqo ghenguno axine kümllagho shi ane ghiqhi no aji pesü nhaqhiphi thiu ilo no amshitsü ji pesü shike toi kimiyekini lakhü shou eno agizüu küzüteni.

ACHINE 16:5

Israelmi qoaho launo axine kümllagho ghenguno anetsü kini, eno akipti kümllagho ghenguno ambetsü luni.

ACHINE 23:12

Nongu no athi akimchi kümllagho süghike tsalani akipti kümllagho shi ampe lakhi mbetsü tukutiye kühakeu pesü mllani.

ACHINE 4:23

momu pa no axine kümla shive keu pa pelo ithive peni keno, pa ye anetsü tukutiye kühakeu lakhi pa kümllagho shi süghini,

ACHINE 4:3

momu nukisheve keu chineu no axine shive no timi mlo lo akipimi süghi aghi aye, pa ye pa kipimi ghenguno amshitsü lhothe tukutiye kühakeu pesü Ampeu lau axine kümllagho tsüni.

ACHINE 9:2

eno pa no Aaron vilo pi, “Axine kümllagho ghenguno amshitsü lhothe eno akipti kümllagho ghenguno anetsü lakhikhi tukutiye kühakeu pesü Ampeu mlla lo.

ACHINE 9:4

külakishi kümllagho ghenguno amshitsü ngo anetsü Ampeu zülono aghashi lo, eno athi kümllagho thazü gholo kiteve keu süghilo, kughengu Ampeu ye ishi nongu lau ipeghini cheni.’”

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,