ACHINE 8:7 - Sumi Naga CL (Re-edited) Bible (BSI)

⁷ Pa no aphiküzü Aaron puuve, apokha tsüghave tsü, chijeboike phi puuve, achinemi phi pipe eno tipau lo kütshakügha shi pili püakeu she pesü pa vehomxa khavetsü.

BAIBEL (BSI)

⁷ Tishino pano aphikuzu ngo akuu phi pesu Aron pu-u eno aphi ghopilikeu pesu papokha shipipe. Pano ephod phikuzu pa pipe eno tipau khapu kepu muduniyi ghokeu pokha pesu pa po khapipe.

ACHINE 8:7 Iomraidhean Croise

IPEKULU 28:2

Eno no ye o mu Aaron ghenguno akimthe phimini mlalo, ti ye ajuküvü ngo jukivipu shi penike ghenguno ke.

IPEKULU 28:4

Panongu no aphimini hipaqo mlani: amla küxa ngo ephod, chijeboike phi, akugho phi, akütsü küküzü phi, eno heqhiphi. Achinemi shi I qe penike panongu no Aaron ngo pa nuli phimini mla pelo.

IPEKULU 28:6

“Panongu no phepheike phi kipili ngo atsüla, hughai eno huchuyi keu yeho eno ameshoyi no aye shikeu pesü ephod mlani.

IPEKULU 29:5

Tithiu nono aphimini ikhiluni, eno aphiküzü ngo ephod phi, ephod, eno amlaküxa pesü Aaron pipeni eno ephod kighi akivishi ghokeu pesü pa pokha shi tsüni.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

EZEKEL 42:14

Kughou achinemi no Akimthe-a lo iloghini keno, panongu ye aphimini khikhi panongu no pepu ani keno tipaqo tile xaqhimo kelo khalau kikhala vechesü ipemo nani, kughengu hipaqo ye akimthe ke. Panongu ye timiqo gholo ipekumo züuno aphimini kütau pepu luveni.”

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

SAMUEL ATUGHIU 2:28

Israelmi shiaye kümtsü dolono I no pa kishe no I chinemi shipe, I kümlla khache lo ighipe, axokütsüngü piti mllape, I zülo achinemi phimini pepupe; eno Israelmi no akipti kümllagho süghi keqo kümtsü I no no kibolomi tsüe.