ACHINE 8:35 - Sumi Naga CL (Re-edited) Bible (BSI)

³⁵ Ampeu no hakite keu kiqi lono nongu ye kuposhukulu phiki kulaghi lo putho pucho atsala tsüni ngono shilopi keqo mlaithani, tishikeu lono nongu ye thimo nani, azah I tsü püakeu ye hipau ghenguno ke.”

BAIBEL (BSI)

³⁵ Nonguye atsala tsuni dolo puthotsu puchotsu Aphi hukikhalo AMPEU no kiu shilopi ahza tsukeno tipau shi ghi ngo mayesae. Nonguno tipau shimo aye nonguye thi nanike. Hiye AMPEU no ahza itsuve keuke.”

ACHINE 8:35 Iomraidhean Croise

KUKAMI ATUGHIU 2:3

Moses Yezah lo yepüa ketoi Ampeu o Lhou khuaye, Pa zakütsü, pimheye, Pa no ghutu keu kümtsü pelu lo, tishianguno no ye khila khila wuna kiukiu shinamu ikoishelu nani,

IPEKULU 29:35

“Aaron ngo pa nuli lau I no azah o tsü keqo kiqi lono shilo. Atsala tsüni kupuju nono panoqo kimkhilo,

EZEKEL 43:25

Atsala tsüni ghenguno no ye axine kümllagho shi anetsü mllalo; atsüaqu lono amshitsü lakhi eno ambeloji lono ambetsü lhothe lakhi tukutiye kühakeu pesü mllalo.

EZEKEL 48:11

Hi ye kishekimtheve kemi chinemi, Zadok limi, khunoqo Israelmi ngo Levimi no lavela lo wuve keloghi panongu ye wumono I zakütsü pape cheni keno panoqo ghenguno ke.

ACHINE 10:1

Aaron nuli Nadab ngo Abihu pama no ata kiptibo aküphashi pesü ami tsasü eno tsüngqüi keu ta süno Ampeu no azah tsümo keu mi pesü Pa zülo ighi.

ACHINE 14:8

Timi huye pa phimini ishive, pa kütsüsa kümtsü miyeve no azü kuchhuve eno mithe luve niae. Pa ye aghazü lo iloghilu nani kemu pa phiki khalau atsala tsüni ngoni.

ACHINE 8:30

Moses no nukikishe thazü eno akiptia lo akeu ji luve no Aaron ngo pa nuli phimini lo küzüte puku. Hitoi pa no Aaron eno pa phimini eno pa nuli ngo panoqo phimini shikimthe tsü.

ACHINE 8:34

Ishi kiu shive akeno, Ampeu no nongu ghenguno lokichile shitsü penike azah tsüke.

ACHINE 8:36

Ampeu no azah tsüke toi Aaron ngo pa nuli no kümtsü shive.

AKIKIHI 19:12

Pa ye atsala aküthüni eno atsala akütsüniuni, pa ampi qhukimtheni eno tithiu no mithelu nani. Ikemu pa no atsala aküthüni eno akütsüniuni pa ampi qhukimthe mo aye pa ye mithelu monani.

AKIKIHI 3:7

Panongu no I kungo phiki lo mla akelo, Aaron khekutoni eno Kuposhukulu Phiki zülo aqoaho jukutoni.

AKIKIHI 9:19

Khaniloye khüngküsü no Aphiki shou atsala kutomo ishokibe ngovemu panongu ye Ampeu zakütsü luniye itha mono ngoche.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

ZAKINIU 11:1

“Ampeu nongu Lhou kimiye lo eno alhokuthu Pa khuaye, pimheye, eno azakütsü pelu lo.

1 Tim. 1:18

I nu Timothy, inahuu tungkuptsa no o miji no pi püakeu kiqi lono I no hipau za o tsüani, tishikeu lono o pelo akivishi aghüshi,

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

1 Tim. 6:13

Thokha kümtsü aküxü tsükeu Lhou zülono, eno Pontius Pilate zülo pikiphe kije shi püakeu Khristo Jisü zülono I no azah o tsü ani,

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

IBRIMI 7:28

Ayezah no miqemlei kemi pesü achinetomi shi penike süsü cheni, ikemu Alhou shoqhi tsa, khikhi Ayezah thiuno ighi keno, tino alholo ghenguno Anu kupukülai keu süsüke.