ACHINE 7:18 - Sumi Naga CL (Re-edited) Bible (BSI)

¹⁸ Pa ghakishi shi pekishewo aküthüni lono chu aye, akümllagho ikhilu tsüke kumono tsü akeu timiu ghi pa ye tsüvae pi kihitsü moae. Ti ye niqhinilaive akehu chuve keu no akümllagho tsükeu timi xineu ghi puniae.

BAIBEL (BSI)

¹⁸ Akuthunilo tipau kitilamu chu aye timi tipau kumllaghoye Alhou no ikhilutsumo nani. Akumllagho huye pa launo kihi tsumove nani ikemu mithekumopu shi kihive nani eno khunono tipau chuni keno tipau makho ye aghime shinani.

ACHINE 7:18 Iomraidhean Croise

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

ISAIAH 65:4

panongu ye akumona shou iqa, eno tuqhou-aqo lo puthotsü ngo cheni; panongu ye awoshi chu cheni, eno mithekumo shi kulhozü panow chithakhu lo ani;

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

EZEKEL 18:20

Khuu no axine shini keno mtsüqheino thinani. Anu ye apu kipimi ghenguno aghime shimo nani, momu apu ye anu kipimi ghenguno aghime shimo nani. Amikuchomi mikucho ye pa ampi shou ikughi nani, eno kixikilamiw küsakügha ye pa ampi shou ikughi nani.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

ACHINE 10:17

“Kushiye nongu ye axine kümllagho hipau akimthe-a lono chuvemo kea? Kughengu ti ye shishe akimthe eno nongu tsükeu ye aqoaho xine xapu luve tsüno Ampeu lau lokichile shitsü peniye ke.

ACHINE 10:19

Tile Aaron no Moses vilo pi, “Julo, ishi panongu ye pano xine kümllagho eno akipti kümllagho shipe Ampeu tsüvae, ikeghi hitoi keu ye itaghi I lau shi aphie! Tsala ishi I no axine kümllagho chuveke aye, Ampeu ye tishilo pini chekema?”

ACHINE 11:41

“Ayeghi lo itikiche eno lülüshi keu lhoxü thaqhü ye niqhinilai ke kiumu chumoni.

ACHINE 17:16

Ikemu pa no tishimo aye, pa ye akipimi ghenguno aghime puni.”

ACHINE 19:5

“Kughou nongu no kuposhukulu kümllagho lhoxü heqhini keno, I no ayezah nongu tsükeu pelulo eno I no akümllagho ikhilu tsü nani.

ACHINE 20:17

“Timi lakhi no pa chepu momu pa chepukishe sasü külakupu shi aye pama ye aqha zülono shikukujo no aqoaho gholono hapheveni. Pa ye pa chepu sazüvae, ti ye atichepu, eno pa ye aghime xapu nani.

ACHINE 20:19

Timi lakhi no paza tsünipu momu papu chelimi sazüve aye, akiphikumo tipau ghenguno pama ye aghime xapuni.

ACHINE 22:23

Pulokini kümllagho loye nongu no lhoxü thuwumo momu kupukülai mokeu tsüluvi, ikemu ashoqhi kümllagho lo ti ye ikhilutsü mlae.

ACHINE 22:25

momu inaghami launo küqhükili shi saghi keu lhoxü pesü no Lhou chuqupu shitsü mlae. Tipaqo ye tukutiye ani kehu ikhilu tsümo nani.”

ACHINE 5:17

“Khuana no Ampeu zakütsü lo shimo kepu lakhimu shive no axine shive aye, pa no mthano shive aghi namu kughou pa kipimi kümsüchile luni keno, pa ye pa xine xapu masae.

ACHINE 7:19

“Akümllagho shi no mithekumo thimeqo diveke thaqhü ye chumoni; ti ye ami lono pitiveni. Mithe aghi kemi kümtsü no ashi tipau chuni,

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

AKIKIHI 18:27

Nongu no ti tsükeu ye aniqa lo athi hutoi momu atsaizü kütsüghü-a lo atsaizü qole aketoi kihitsü nani.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.