ACHINE 7:12 - Sumi Naga CL (Re-edited) Bible (BSI)

¹² Pa no shikimthikütsü ghenguno tsü aye, pa ghakishi gholo kholaqhi sümono thazü no kunuve keu sho, kholaqhi sümokeu thazü pe nuve no ipumhei zümzümüi keu sho, eno ashomkhu kivi lo thazü pe nuküxü no mlakeu sho tsüni.

BAIBEL (BSI)

¹² Timi lakhino hipau kumllagho pesu Alhou lau shikimthi kumllagho lakhi shi aye, paye lhoxu aghashi akeu gholo kholaqhi sumokeu asho pesu mllakeu lakhi shi kumtsa tsulo: tiye oliv teli pesu shishoi kunu keu momu qhaikeu sho oliv teli pesu nukeu momu oliv teli pesu kununo akumtsha sho shikeu.

ACHINE 7:12 Iomraidhean Croise

YEKIKITHI AKINIU 29:31

Tithiu Hezekiah no pi, “Itehi nongu ye kishekimthepe Ampeu lau tsüvae. Aphivilo ighilo; aghakishi eno shikimthi kümllagho pesü Ampeu tsülo.” Ahohomi no aghakishi ngo shikimthi kümllagho pesü tsü, eno pulokinimi no akipti kümllagho ghi pesü ighi.

YEKIKITHI AKINIU 33:16

Pa no Ampeu kümlla khache ghi süsü kitheve eno tileno külakishi kümllagho ngo shikimthi kümllagho pesü aghashi, eno Judahmi kümtsü Ampeu Israel Lhou huthulo pi azah tsü.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

LESHELE 107:8

Paw iqemokeu kikimiye ghenguno, Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ACHINE 2:4

“Khuana no akümllagho shi amikülü lono wochhe keu sho peighi aye, ti ye ashomkhu akiviu no shikeu eno kholaqhi sümono thazü pesü kunuve keu, momu ipumhei keu shopa kholaqhi sümono thazü no nuküxü no shikeu shini.

ACHINE 2:5

Tsala akümllagho no akhosali lono wochhe keu sho shiaghi aye, ti ye ashomkhu akiviu no shikeu eno kholaqhi sümono thazü pesü kunuve keu shini.

ACHINE 22:29

Kughou nono Ampeu lau shikimthikütsü ghakishi shini keno, ti ye ikhilu kulupu shi tsüni.

ACHINE 6:16

Achili thaqhü no Aaron ngo pa nuli no chuni. Ti ye kholaqhi sümono akimthe-a, kuposhukulu phiki khala lono chuni.

ACHINE 7:15

Paw shikimthikütsü ghenguno külakishi kümllagho tsükeu shi ye pa no akümllagho tsükeu tsala lono chukhaveni thono kitila mu thanau kutolo qhimoni.

AMUS 4:5

kholaqhi sükeu shikimthikütsü kümllagho pesü tsülo, eno pulokini kümllagho pesü pikülha asheshulo; kughengu nongu ye tishikeu alo chenie, O Israelmi!” ipi Ampeu no asheshu.

AKIKIHI 6:15

pa no kholaqhi sümokeu sho ashoghi lakhi, ashomkhu akiviu pesü thazü lo kiteve keu sho, zümzümüi keu sho, tipaqo gholo athi ngo atsaizü kümllagho ishi tsüni.

Luke 17:16

eno Jisü pukhu philo iqi pa gino ayeghi dape shikimthi tsüe, pa ye Samariami.

Luke 17:18

Khalaumi hipau likhi no kumo aye khunomu ideighi no Alhou sheqheni keu kühave keo?”

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.