ACHINE 6:17 - Sumi Naga CL (Re-edited) Bible (BSI)

¹⁷ Ti ye kholaqhi gholono kunu moni. I chuqupu kümllagho lono I no panongu saje shi tsükeu kehu ti ye axine kümllagho eno akipimi kümllagho toi shishe akimthe.

ACHINE 6:17 Iomraidhean Croise

IPEKULU 29:37

Akümlla-khache ghenguno atsala tsüni axine pevekütsü shini, eno akümlla-khache ye ighono akimthe shini. Kiu kiumu akümlla-khache dilu keu ye akimthe shive nani.

IPEKULU 40:10

Akipti kümlla khache eno tipau lo peitha chekeqo kümtsü nukishelo, akipti kümlla khache kishekimtheve lo, tishikeu lono akümlla-khache ye shishe akimthe shive nani.

ACHINE 10:16

Moses no axine kümllagho ghenguno ane vehu ighiju kelaye ti ye pitive aghi! Ikehu pa no Aaron nuli Eleazar ngo Ithamar pama ju amlo ideve no pi,

ACHINE 2:11

“Ampeu lau akümllagho jeli süghi keu lakhi lomu kholaqhi sümoni, kughengu kiukiu ghakishi lomu kholaqhi momu akhingozü ye akümllagho shi pitipe Ampeu tsümlae.

ACHINE 2:3

Amkhu nguno alau athi kütau achili thaqhü ye Ampeu lau agha shive keu saje eno kümtsü dolo akimtheu shive akehu Aaron ngo pa nuli sala shini.”

ACHINE 6:25

“Aaron ngo pa nuli vilo pilo, Hi no axine kümllagho yezah: A-a khileno akipti kümllagho lhoxü heqhi cheni keno, axine kümllagho lhoxü ghi tile Ampeu zülono heqhini, ti ye shishe akimthe ke.

ACHINE 6:26

Achineu hi peitha tsü akeu no akimthe-a kuposhukulu phiki khala lono chuni.

ACHINE 6:29

Achinemi kümtsü no hipau shi chulu nani, hi ye shishe akimthe ke.

ACHINE 7:1

“Hi no akipimi kümllagho yezah, hi ye shishe akimthe:

ACHINE 7:6

Achinemi kümtsü no ashi tipau chulu nani. Ti ye shishe akimthe kehu akimthe-a lono chuni.

ACHINE 7:7

Akipimi kümllagho ye axine kümllagho toike, küma ghenguno ayezah lakhi likhi: achineu ti lokichile shitsü akeu no aghakishi shi chuni.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.