ACHINE 4:31 - Sumi Naga CL (Re-edited) Bible (BSI)

³¹ Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

BAIBEL (BSI)

³¹ Tipathiu pano tipau tha kumtsu ikhiluvelo, tiye kuposhukulu kumllagho ghenguno lhoxu heqhikeu lono atha ikhilu keu toi shilo eno pano tipau pesu akiptia lono pitilo tishianguno tipau xono AMPEU lopushipenike. Hipa ghola lono achineuno timi tipau xine ghenguno agha shikeu pesu mllalo eno timi tipau xineye peivetsu nanike.

ACHINE 4:31 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

EZRA 6:10

tishianguno panongu no kungugha Lhou mlokiqipu shi aghakishi tsülu nani, eno akükau ngo pa nuliqo küxü ghenguno inikhu tsü nani.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

IPEKULU 29:18

eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 14:18

Pa umza lo thazü achili pesü timi hu kütsü lo sütsüni. Tishino achineu no pa ghenguno Ampeu zülo lochile tsüni.

ACHINE 15:15

Achineu no lakhi pesü axine kümllagho eno lakhiu no akipti kümllagho shi tsüni, eno timi tipau shikimthe tsüni.

ACHINE 19:22

eno achineu no tipau pesü pa shikimthe ghi Ampeu zülo tsüno pa xine ikhive tsüni.

ACHINE 2:2

eno Aaron nuli achinemi lau süghini. Akümllagho qhoi pitipe Ampeu mllavae pi kümsülu apenike achineu no ashomkhu au kiye lakhi, thazü eno müsüghüta kuchopu ikhipe akiptia lono pitiveni, mülüi keu xo hino Ampeu lopu ke.

ACHINE 2:9

Achineu no kümsükulu saje aghulo süthape akiptia lono pitini. Mülüi keu xo hino Ampeu lopu ke.

ACHINE 4:19

Pa no atha kuchopu ikhipe akiptia lono pitiveni.

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:35

Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

ACHINE 5:10

Tithiu achineu no pimheye kiqi lono aghau akiniu pesü piti mllaveni. Eno achineu no timi hupau xine ghenguno lokichile shitsü no pa kipimi qhive tsüni.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

ACHINE 8:21

Ampeu no azah tsüke toi Moses no aboloshi eno apukhuqo azü no qhuve no ane kupuju akiptia lono pitive. Tino mülüi keu xo kipti kümllagho, achuqupu kümllagho Ampeu lopu ke.

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 10:14

Kughengu pa no ghuthu lakhi aghashi keu lono khunoqo shikimtheve akeno tipaqo alhokuthu ghenguno kupukülaive tsüe.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,